मुलुकको हितको लागि हाम्रो कलम…

                                                                      प्रकासकिय..

नेपाल र नेपालीहरुको हितको खातिर अगाडी बढ्ने उद्देश्यले “सामाजिक सचेतनाको लागि चेतनामुलक अभियान” भन्ने मुलनारा लिएर १४ बर्ष अगाडी यात्राको शुरुवात भयो । हाम्रो उद्देश्यलाई हाम्रा शुभचिन्तकहरुको साथ र सहयोगले गर्दा हामी बाटोमा नअलमलीइकन निरन्तर रुपमा अगाडी बढ्न पाउंदा गौरवान्नित भएका छौं । हामीलाई यतिधेरै खुसी दिने आम पाठक बर्ग, शुभचिन्तक, सहयोगि, बिज्ञापनदाता, सम्पुर्ण सरकारी तथा गैरसरकारी कार्यालय, विद्यालय, सहकारीहरु, राजनैतिक दलहरु लगायत सम्पुर्ण प्रति आभार व्यक्त गर्दछु । हाम्रो निरन्तरतालाई सहयोग गर्ने सम्पुर्ण शुभचिन्तकले देखाएको बाटोलाई नविराईकन अवका दिनमा पनि निरन्तर रुपमा अगाडि बढ्दै जाने प्रण गर्दछु । पत्रिका प्रकाशनको शुरुवातबाटै “निष्पक्षताको” जुन उद्देश्यका साथ अगाडी बढ्यौं त्यसलाई निरन्तरता दिदै जाने छु । आम पाठक वर्गलाई निष्पक्ष ढंगबाट यथार्थतालाई जस्ताको तस्तै सुचना दिदै जाने क्रममा बिभिन्न बाधा अड्चन नआएको होईन । यथार्थलाई लुकाउनु पर्छ भन्ने पक्षले हाम्रो यात्रामा तगाराहरु राखे तर सत्य तथ्य र यथार्थलाइ आमपाठक सामु पुगोस् भन्ने हाम्रो प्रमुख उद्देश्यवाट हामी विचलित नभई अगाडी बढ्दै आएका छौं ।

१६ बर्षसम्म जनप्रतीनिधि विहिन भएको समयमा जसरी जनताको चाहना अनुसार कार्य जरुरी छ, भन्दै तिखारेका कलमको निपहरु आजको अवस्थामा पनि सकृय ढंगबाट अगाडी बढेको छ । सिंहदरवारको अधिकार स्थानिय तहमा आएको छ, पुर्ण अधिकार प्राप्त स्थानिय तहले गरेका राम्रो र नराम्रा पक्षहरुलाई निष्पक्षता ढंगबाट आम पाठक सामु पस्कंदै अगाडी बढेका छौं । राम्रा कार्यगर्नेहरुका लागि हाम्रो संञ्चार माध्यम सहयोगी साथै साथिको रुपमा रहेका छौं । जसले नेपालीहरुको हित विपरित कार्य गर्दै अगाडी बढ्न खोज्छ त्यस्ताको लागि हाम्रो संञ्चार माध्यमको निसाना निरन्तर रुपमा रहन्छ । राम्रा कार्य गर्नेहरुका लागि हौसला र बाटो विराउनेहरुका लागि सहि मार्गमा हिडाउन प्रयत्न गर्ने हाम्रो लक्ष हो । जुन लक्ष हाम्रो हिजो पनि थियो र निरन्तर रुपमा रहिरहन्छ ।

सिंहदरवारमा मात्र निहित अधिकार नेपाली जनताको घरघरमा आएको छ । स्थानिय तहमा जिम्मेवारी पाउने जनप्रतीनिधिहरु जनताको चाहना अनुसारको कार्य गर्ने विषयमा व्यस्त देखिन्छन्, यो सारै सकारात्मक कार्य हो । तर विकास निर्माणको कार्यमा केही चुहावट भएको जनगुनासो धेरै आएको छ । यस्ता बिषयमा जनप्रतीनिधिहरु चनाखो हुन जरुरी रहन्छ । हामीपनि कुन ठाउमा के कस्ता कार्य भए भन्ने बिषयमा आम पाठक सामु यथार्थ सुचना दिन आतुर छौं । बिगत लामो समय देखी हामीलाइ आम पाठकले जसरी निष्पक्षताको वाटो देखाएका छन् सोही मार्गलाई पहिल्याउंदै आगामी दिनमा पनि निष्पक्षताका साथमा अगाडी बढ्ने छौ । जनप्रतीनिधिले गरेका कार्यलाई प्राथमिकता दिदै कुनै पनि स्वार्थ नराखी निष्पक्ष ढंगबाट निरन्तर अगाडी बढ्ने आम पाठक एवं शुभचिन्तक साथै सहयोगी समक्ष बाचा गर्दछु । आशा छ हाम्रो पाईलाहरु अगाडी बढ्दै जाने क्रममा केही कमी कमजोरी हुन गएमा सुझावहरु आउने छ । साथै आम नागरीकको हित विपरित जो कोहीले पनि गरेका कमी कमजोरीहरुलाई निष्पक्ष ढंगबाट आम पाठक समक्ष पु¥याउने प्रण गर्दै विगतको भन्दा पनि अझ थप हौसला प्रदान गरी अगाडि बढ्ने अवसर दिनुहुनेछ भन्ने पुर्ण आशा राख्दछौं । ….