गलत गर्ने कर्मचारीलाई ठाउंको ठाउं कारबाही हुन्छ – बाँस्कोटा

बनेपा । नेपाल सरकारका प्रवक्ता एवं सञ्चार तथा सूचना प्रविधिमन्त्री गोकुल प्रसाद बाँस्कोटाले विकास निर्माणमा गुणस्तरीय र छिटो साथै राम्रो काम गर्नेलाई सरकारले साथ दिने बताउनु भयो ।

निर्माण व्यवसायीहरुले राम्रो काम गर्दा भुक्तानिमा कसैले आनाकानि गरे सरकारलाई सुचना दिनोस सरकारले त्यस्ता कर्मचारीलाई ठिक ठाउमा ल्याउने बताउनु भयो । सरकारले राम्रो कार्य गर्नेलाई साथ दिने र नराम्रा कार्य गर्नेलाई कारवाही गर्नेमा कुनै अनुहार हेरिँदैन, कमरेड पनि भनिँदैन, मन्त्री पनि भनिँदैन, नेता पनि छोडिँदैन, युनियन पनि टेरिँदैन निस्पक्ष ढंगले अगाडी बढ्ने ठोकुवा गर्नु भयो ।

नेपाल निर्माण व्यवसायी संगठन ३ नं. प्रदेश कमिटीले आयोजनामा सम्पन्न भेलाको उद्घाटन गर्दै कार्यक्रमका प्रमुख अतिथि मन्त्री बाँस्कोटाले निर्माण व्यवसायी चुस्त भएका कार्य गर्न सुझाव दिनुभयो । राम्रो काम गरी बिल पास गर्न जाँदा कर्मचारीले आनाकानी गरे सरकारलाई सूचना दिनोस त्यस्ता कर्मचारीलाई सरकारले ठेगान लगाउंछ । गलत कार्य गर्ने कर्मचारीलाई सरकारले ठाउँका ठाउमाँ कारवाही गर्छ ।

सरकारले ल्याएको सार्वजनिक खरिद ऐनका बारेमा निर्माण व्यवसायीले उठाएका सवालको जवाफ दिँदै मन्त्री बाँस्कोटाले ठेकेदारको कारण कतिपय ठाउँमा सरकारले गाली र जनताले सास्ती खेप्नुपरेको बताउँदै व्यवसायीको सुझाव र प्रतिक्रियालाई समेटेर ऐन संसोधन हुन सक्ने बताउनु भयो । मन्त्री बाँस्कोटाले अहिले एक छत्र रुपमा ठेक्कामा साज गरिरहेको केही ठेकेदारको कब्जामा ६ जना वा ७ जना निर्माण व्यवसायीको हातमा देशभरीका बाटाघाटा, पुलपुलेसा, खानेपानी, चौकी विमानस्थल रहँदा राष्ट्रिय पूँजीको निर्माण हुन्छ कि हुँदैन भन्दै प्रति प्रस्न गर्नुभयो ।

मन्त्री बाँस्कोटाले थप्नुभयो केही ठेकेदारका कारण सरकार नै असफल हुने अवस्था आएको र म्याद थप गर्ने परिपाटिले पुँजीगत खर्चमा कमि हुने गरेको बताउँदै ठेकेदारले आफुले लिएको काम समयमै सम्पन्न गरे सरकारको पुँजीगत खर्चमा बृद्धि हुने बताउनुभयो । निर्माण व्यवसायीले टेण्डर खरिद प्रक्रियाबाट र कानुनी प्रतिस्पर्धाबाट काम लिएर समयमै सम्पन्न गरे मात्र मुलुक निर्माण कार्य सम्पन्न हुन सक्ने ठोकुवा गर्नुभयो ।

कार्यक्रममा काभ्रे जिल्ला क्षेत्र नं. १ बाट निर्वाचित सांसद गंगाबहादुर तामाङले विकास निर्माणको काममा ढिलाई हुनुको कारण मध्य एक कर्मचारी समेत रहेको बताउनु भयो । ‘निर्माणको काम ढिला सुस्ती हुनुमा निर्माण ब्यबसायीलाई मात्र दोष दिने गरेको पाईएको छ तर निर्माण व्यबसायीको मात्र नभई तालुकदार कर्मचारी समेत कारण भएकोले कर्मचारीतन्बमा सुधार्नु पर्ने बताउनु भयो ।

कार्यक्रममा प्रदेश सांसद चन्द्रलामाले जनप्रतिनिधि भएपछि कमरेड भन्ना नपाएको बताउनु भएको छ । पार्टीको कार्यक्रम बाहेक अन्त कमरेड भन्ना नपाएको बताउनु भयो । उहाँले थप्नुभयो ‘कमरेड भन्नै नपाएको २ वर्ष भयो, बल्ल आज पार्टीको भात्त्रि संगठनको कार्यक्रम भएकोले कमरेड शब्द उच्चारण गर्न पाउंदा खुसि भएको बताउनु भयो । निर्माण व्यवसायीहरुलाई व्यवसायीहरुलाई व्यबसायी मात्र नभइ कम्युनिस्ट कार्यकर्ताको भुमिका निर्वाह गर्न अनुरोध गर्नुभयो । सांसद लामाले थप्नुभयो ‘राष्ट्रनिर्माणमा इमान्दरभएर लागौं । समृद्ध नेपाल, सुखी नेपाली नारालाई सार्थकता हामी निर्माण व्यवसायीहरुको ठुलो भूमिका रहन्छ ।

त्यसैगरी नेपाल कम्युनिष्ट पार्टी (नेकपा) काभ्रेका अध्यक्ष रुकु चौंलागाई (रचना) ले काभ्रे जिल्लामा पार्टी एकता नहुनुको कारण गुट–उपगुट रहेको बताउनु भयो । उहाँले थप्नुभयो पार्टी भित्र एमाले र माओवादीनै बन्ने तिर लागेको देखिन्छ । अर्को कारण पार्टीका नेताहरु नै जनप्रतिनिधि भएकोले उहाँहरुले समय दिन सकेन । अनि पार्टी एकतालाई सार्थक बनाउन सकेनौं । कार्यक्रममा अध्यक्ष रचनाले सत्ता र पार्टी बिचमा खाडलको सिर्जना हुँदै गएको बताउनु भयो ।

नेपाल कम्युनिष्ट पार्टी (नेकपा) निकट निर्माण व्यबसायी संगठनको एकता घोषणा सहित एकता भेलाले प्रल्हाद चौंलागाईंको नेतृत्वमा १७ सदस्यीय जिल्ला कमिटि चयन गरेको छ । जसको सह–संयोजकमा सुदिप गौतम र देवराज लामा, सचिवमा विश्वमणी धिताल र नरबहादुर वाइवा, कोषाध्यक्षमा टिकाबहादुर तामाङ चयन भएका छन् । समितिको सदस्यहरुमा केसरमान तामाङ, स्वस्तिक व्याञ्जू, प्रेम तामाङ, मुकुन्द तिमल्सिना, आनन्द वल, नारायण गौतम, रामेश्वर थापा, विकास लामा, संञ्जय लामा, राकेश श्रेष्ठ र नरेश घिसिङ रहेका छन् । कार्यक्रममा सांसद नविना लामा, प्रदेश सभा सदस्यहरू लक्ष्मण लम्साल, बसुन्धरा हुमागाईं, रत्न ढकाल लगायतले आ—आफ्नो धारणा राख्नुभएको थियो ।