बुद्धलाई आदिवासीको जिम्मेवारी

पनौती-पनौती नगरपालिकास्तरीय आदिवासी जनजाति महासंघ गठन भएको छ ।
नेकपाका जिल्ला नेता दैवलाल घिसिङ “अनुशिल” द्वारा गत शुक्रबार भएको नगरस्तरीय भेलालाई सम्बोधन गर्दै २ सय ३८ वर्ष लामो शासकीय अधिनायकवादलाई फाल्न सबैभन्दा बढी योगदान आदिवासी जनजातिको रहेको चर्चा गर्नुहुँदै जुन उद्देश्य सहित जनयुद्धको थालनी भयो, अन्तसम्म आइपुग्दा निकै उतारचढाव भए जसको कारण नेपाली जनताका केही आवश्यकता पूरा हुन सकेनन् ।

सीमित रुपमा प्राप्त गरेका अधिकार पनि खोसिने पो हो कि भन्दै डर पाल्नु परेको छ । यो संक्रमणकाल अवस्थामा हाम्रा सीमित अधिकारको रक्षा गर्दै समाजवादको बाटो पहिल्याउनु छ । त्यसका लागि हामी आदिवासी जनजातिले सीमित रुपमा प्राप्त गरेका अधिकारको बारेमा बस्ती बस्तीलाई सुसूचित पनि गराउनुपर्छ । त्यसैले त्यसका लागि संगठित हुनुको विकल्प नभएको खुलासा गर्दै नेता अनुशिल थप्नुहुन्छ– पछिल्लो समय संघीय संरचनाको बारेमा छरिएका भ्रमका बारेमा खुलेर प्रतिवाद गर्न आवश्यक भईसकेको स्मरण गराउनु भयो । साथै आदिवासी जनजातिभित्रैको विभेदका बारेमा छलफल चलाउन ढिला भएको समेत नेता अनुशिलको तर्क थियो ।

उक्त भेलाले नाफाको जीवन प्राप्त योद्धा युवा व्यक्तित्व बुद्ध लामालाई आदिवासी जनजाति महासंघ पनौती नगरको जिम्मेवारी सुम्पेको छ । उपाध्यक्षमा निरम दुलाल र उमेश पहरी, सचिवमा भवानी श्रेष्ठ, कोषाध्यक्षमा माधव नारायण प्रजापति र सदस्यहरुमा क्रमशः पूर्णकुमार श्रेष्ठ, बुद्ध लामा, सनिल भुजेल, कपिल भुजेल, प्रशान्त कर्माचार्य, लोक बहादुर मगर र जनक गुरुङलाई सर्वसम्मत चयन गरेको छ ।