सुरक्षा निकायलाई जस नदिने खेल, अझै पनि लकडाउनलाई लत्याउँदै नागरिक

प्रल्हाद शर्मा हुमागाइ
बनेपा/कोभिड–१९ को कारण नेपाल मात्र नभई विश्व नै आक्रान्त बनिरहेको अवस्थामा यसको नियन्त्रणका लागि राज्यद्वारा जारी लकडाउनलाई मजबुत बनाउन सम्पूर्ण नागरिक, समाजदेखि सरोकार निकायवालासम्मको उतिकै दायित्व र जिम्मेवारी रहन्छ ।
बिडम्बना ! नेपाल सरकारले लकडाउनलाई व्यवहारिक रुपले उपयोग गर्नका लागि विभिन्न माध्यमहरु अपनाइरहेको अवस्थामा केही बुजु्रकहरुले लकडाउनलाई खेलौनाको रुपमा हेरिएको तथ्य हाम्रा सामु छर्लङ्ग छ ।

आजका दिनसम्म आइपुग्दा नेपालमा दुई जनाले ज्यान गुमाएको पुष्टि स्वास्थ्य मन्त्रालयको नियमित पत्रकार सम्मेलन मार्फत् जानकारी गराइरहँदा सयौंको संख्यामा पिसिआर परीक्षणबाट प्रभावित भईसकेका छन् । यो संगीन घडिमा नागरिकहरु भने त्यसलाई मनगढेन्ते संज्ञा दिएर लकडाउनको एकातिर अपहेलना भइरहेको छ भने यसैलाई उपयोग गर्दै कालाबजारियाहरु मौलाइरहेका छन् । आज पनि लर्काे लागेर धर्मका नाममा मठमन्दिर जाने क्रम घटेको छैन । मर्निङ्ग वाल्कका नाममा सिंगो बस्ती तामझाम सहित चलायमान भएको जमातले कोरोनालाई हलुका रुपमा मनन् गरेको तथ्य स्वीकार्न बाध्य छन् सुरक्षाकर्मी । यो जटिल अवस्थामा सुरक्षाको जिम्मेवारी बहन गरेर अग्रपंक्तिमा खटिएको सुरक्षाकर्मीहरुलाई नागरिकहरुको त्यस किसिमको तुच्छ व्यवहारले आत्मग्लानी भइरहेको छ । यो समस्या सुरक्षाकर्मीको मात्रै हो भन्ने मानसिकता बोकेका बुजु्रकहरुको कारण नेपालमा दिनप्रतिदिन कोरोना भाइरस प्रभावितहरु बढिरहेका छन् । यसले कालान्तरमा गएर नेपालीहरुलाई ठूलो संकटमा धकेल्ने छ भन्ने संकेत देखाएको नगर प्रमुख भीम न्यौपानेको तर्क छ ।

यसैगरी आफ्नो जिउज्यानको समेत प्रवाह नगरी जनताको सेवामा समर्पित रोशी गाउँपालिकाका अध्यक्ष डिबी लामाको भनाइ छ– सुरुका दिनहरुमा उपत्यका छोड्नेहरुका लागि हुनेसम्मको सहयोग जुटाउनको लागि खटियो । सकेसम्म उहाँहरुलाई गन्तव्यसम्म पु¥याउन कुनै कसर बाँकी राखिएन । अब फेरि लुकीछिपी राजधानी प्रवेश गर्नेको जमात पनि ठूलै बाँकी पृष्ठ ४ मा… भएको सुन्न आएको छ । यस किसिमको दुविधा के कति कारणले सिर्जना भयो, त्यसका बारेमा सम्बन्धित निकायले अध्ययन गरी ठोस समाधानतर्फ नजाने हो भने यसले विकराल समस्या निम्त्याउने छ भन्नुहुन्छ अध्यक्ष लामा ।उहाँको थप कथन छ– नागरिकले कोरोना भाइरसलाई गम्भीर रुपमा मनन् नगर्नु भनेकै आफूले आफैंलाई मृत्यु शैयातिर धकेल्नु नै हो भन्ने मेरो बुझाइ छ । यसर्थ, हामी जनप्रतिनिधिले हाम्रो जिम्मेवारी गहन रुपमा पालना गर्दै जाने हो । यति गर्दा पनि नागरिकले त्यसलाई अटेर गर्छन् भने त्यसको छिनोफानो सुरक्षा निकायले गर्न जरुरी छ । नेपाली उक्तिलाई सापट लिने हो भने लातको भूत बातले मान्दैन भनेझैं सुरक्षाकर्मीले शक्ति प्रयोग गर्नुपर्ने हुन्छ । यतिबेला कसैले पनि किन गरिस् भनेर आवाज उठाउने हैसियत राख्दैन भन्ने विश्वास अध्यक्ष लामाको छ ।

यिनै विषयवस्तुको सवालमा एकैदिन ८ सयको हाराहारीलाई खानपानको व्यवस्थासहित गन्तव्यमा पु¥याउनको लागि समर्पित बनेपा नगरपालिका वडा नं. ५ का वडा अध्यक्ष बलराम अधिकारीको टिप्पणी छ– हामी मानिस पशु जतिका पनि भएनौं । हामीले सक्षम प्राणीका रुपमा परिभाषित गर्ने व्यक्तित्वहरु महामुर्ख नै रहेछन् जस्तो लाग्यो । आफू जनप्रतिनिधि केही बोल्यो भने आलोचना खेप्नुपर्छ । यो संगीन घडिमा नागरिकहरुको व्यवहार देख्दा मन भक्कानिएर आउँछ । समस्या आयो त आइ’गो नि । भोलि ला ! भनेर हुन्छ ? तर हाम्रा नागरिकहरु यो लकडाउन नेतृत्वले आफ्ना लागि गर्न लगाएको जस्तो व्यवहार देखाउँछन् । जब प्रहरीले खबरदारी गर्छ, सकेसम्म अटेर गर्ने हो, सकिएन भने छल्ने हो, यो खालको प्रवृत्तिले कसलाई नाफा पु¥याउँछ, उही कोरोनालाई होइन ? त्यसैले मेरो बुझाइ अलि फरक छ, अहिले जति पनि अग्रपंक्तिमा रहेर जिम्मेवारी बहन गरिरहनुभएको छ, उहाँहरुलाई जस नमिलोस् भन्ने खेल जस्तो लाग्छ । जसको कारण लकडाउनलाई लत्याउँदा आफैं लत्तिन्छु भन्ने किन सोचिएन ? अहिले पनि टाढा जानुपर्दैन, काभ्रेमै दर्जनौं ¥यापिड परीक्षणमा सकारात्मक देखिएका छन् । यो अवस्थामा नागरिकहरुले गम्भीरता अपनाउनु आफ्नो जिम्मेवारी होइन ? भन्नुहुँदै गुनासो राख्नुहुन्छ वडा अध्यक्ष अधिकारी ।