नेपाली जनको उर्जालाई कमजोर पार्ने खेल अन्त गर

बेमौसमी बाजाका अनुयायीहरु हो ! तिम्रो पद, प्रतिष्ठा र कुर्सीका लागि नेपाली जनलाई कमजोर बनाउने खेल नखेल्दा बुद्धिमानी होला ।

नेपालको राजनीतिमा यतिखेर विश्व हल्लाउने कोभिड–१९ भन्दा पनि शक्तिशाली भाइरस बनेर दक्षिणको हावा प्रवेश गरेको छ । नेपालको इतिहास पढ्ने हो भने यो भाइरसले सुक्ष्म रुपमा नेपाल प्रवेश गरेको पनि सयौं वर्ष बितिसकेको छ तर अहिले आएर विश्व भाइरसले पार्न नसकेको प्रभाव दक्षिणी भाइरसले पारेको छ । यस विषयमा गम्भीर खोजीको विषय सिर्जना भएको छ । यो अवस्थामा यस्ता किसिमका हावाहरुले के संकेत दिन खोजेको हो ? खोजीको विषय बनेको छ । यसबाट के पुष्टि हुन्छ भने राज्य सञ्चालकहरु कति सम्मको चुत¥याईं गर्न सक्छन् भन्ने प्रमाणित गर्दछ ।

घटनालाई नजिकबाट नियाल्ने हो भने यो भाइरसलाई हतियार बनाएर नेपालका सयौं नेतृत्वले करोडौं करोड भत्ता पचाइसकेका छन् । कठै ! ति गौंडे, झोलेहरुलाई पत्तो छैन । नेताको पिसाबलाई पनि गहुँत सम्झेर स्नान गर्ने पट्मुर्खहरुलाई के भनौं ? यो संकटको घडिमा चालिएको कुटिल चाल आफैंलाई भारी पर्न सक्ने संकेत देखिएको छ । अलिकति पनि दीर्घकालीन सोच नराखी प्रस्तुत हुँदाको परिणामलाई मध्यनजर गर्दा नेतृत्वप्रति दया लागेर आउँछ । कुनै पनि कदम चाल्दा दीर्घकालीन असरका बारेमा सोच्नुपर्ने होइन ? बेला न कुबेलाको बाजा बजाउँदाको असर के पर्न सक्छ ? कतै यो खेलको अन्तरवस्तु खुट्याउन सकेनौ भने नेपाली जनता टुलुटुलु हेरेर बस्लान् ? सोच्ने हो कि ? अब १७औं शताब्दीका नेपाली जनता होइनन्, आज त २१औं शताब्दी हो । नेपालीहरु कुनै पनि कदम चाल्न पछि पर्ने छैनन् । त्यसैले नेतृत्वले आफ्नो अनुकूलतालाई लिएर अभिव्यक्ति दिँदा यसले पार्ने दीर्घकालीन असरका बारेमा सोचिएको भए आज यो अवस्था निम्तिने थिएन भन्ने बुझाई हाम्रो हो ।

अब उठाएका विषयवस्तुको किनारा लगाउनुपर्छ । अन्यथा, नेपाली जनमाथिको खेलवाड नेपाली जनताले सम्झने छन् । त्यतिबेला नेपाली जनताले त्यसको हिसाबकिताब माग्नेछन् । जसको परिणामले कालान्तरसम्म असर पु¥याउन सक्छ । त्यसैले नेतृत्वसँग हाम्रो अनुरोध छ, विषयवस्तु उठेको त्यसको सहज अवतरणका लागि गम्भीर भई समाधानतर्फ एक रुपता कायम गर्नु नै नेतृत्वको बुद्धिमानी हुनेछ । तसर्थ, पनि नेतृत्व समक्ष फेरि आग्रह छ, आफूले व्यक्त गरेका अभिव्यक्तिहरुलाई हलुका रुपमा नसम्झिन अनुरोध गर्दै दुई तिहाइको दम्भ कतै कमाउने खेती नहोस् । कि बेमौसमी बाजा बजाउनु हुन्न थियो, बजाइसकेपछि निचोडमा पु¥याएर छोड्नुको विकल्प छैन भन्ने नै हाम्रो ठम्याई हो ।