दैनिक हजार स्वाब परीक्षण गर्न मिल्ने क्षमताको प्रयोगशालाको शुभारम्भ, जनतालाई संघीयताको महत्व महसुस गराउने छौं – मन्त्री दुलाल

धुलिखेल/बागमती प्रदेशका सामाजिक विकास मन्त्री युवराज दुलालले जनतालाई संघीयताको अनुभूति हुने किसिमका कार्यक्रम अन्तर्गत प्रादेशिक स्तरीय प्रयोगशालाको शुभारम्भ भएको बताउनुभएको छ ।

शनिबार धुलिखेलमा आयोजित कार्यक्रममा प्रादेशिक प्रयोगशालाको उद्घाटन गर्ने क्रममा उक्त भनाई राख्नुभएको हो । कोभिड–१९ का कारण मुलुक स्वाब परीक्षणका लागि भौतारिरहेको परिवेशमा यो प्रयोगशालाले अनुकरणीय योगदान पु¥याउने विश्वास मन्त्री दुलालले व्यक्त गर्नुभएको छ । यो क्षेत्रका लागि यो प्रयोगशाला एउटा ईंट्टा थप्न सफल भएको छ ।

बागमती प्रदेशका १३ वटै जिल्लाका नागरिकहरुका लागि चौबिसै घण्टा अनुकरणीय सुविधा पु¥याउने विश्वास मन्त्री दुलालले लिनुभएको छ । कोभिड–१९ को प्रकोपले महामारीझैं रुप लिएर फैलिएको अवस्थामा स्वास्थ्य संवेदनशीलतालाई मध्यनजर गरेर प्रदेश सरकारले कोरोना परीक्षण मेसिन खरिद गरेर प्रयोगशाला स्थापना गरेको मन्त्री दुलाले खुलासा समेत कार्यक्रममा गर्नुभयो । मध्य पहाडी जिल्लाहरु लगायतका जिल्लाहरुबाट संकलन भई आएको संक्रमितहरुको स्वाबलाई धुलिखेलमा स्थापना भएको प्रयोगशालामा परीक्षण गरेर कोभिड विरुद्धको अभियानमा एक फड्को पार गर्ने विश्वास लिएको बताउनुभएको छ । उक्त प्रयोगशालामा एक हजार संक्रमितहरुको स्वाब परीक्षण गर्ने क्षमता समेतको मेसिन जडान गर्न सफल भएकोमा प्रदेश सरकारको तर्फबाट मन्त्री दुलालले आभार समेत व्यक्त गर्नुभएको थियो ।
कार्यक्रममा मन्त्री दुलालले कोरोना भाइरस (कोभिड–१९) को स्वाब परिक्षणसँगै अन्य रोगहरुको पहिचान गर्न यो प्रयोगशाला निकै उपयोगी हुने विश्वास व्यक्त गर्नुभएको छ । साथै अन्य सामान्य ल्याबहरुबाट परीक्षण र पहिचान गर्न नसकेका जटिल रोगहरु समेत यो प्रयोगशालामा परीक्षण हुन सक्ने ठोकुवा समेत मन्त्री दुलालले गर्नुभयो । सम्बोधनकै क्रममा प्रादेशिक प्रयोगशाला मात्र होइन, प्रदेश स्तरीय अस्पतालको पनि खाँचो छ । त्यसका लागि स्थानीय सरकारले सकारात्मक भूमिका निभाउनुभयो भने प्रदेश सरकार त्यसतर्फ पनि होस्टेमा हैंसे गर्न तयार रहेको पनि मन्त्री दुलालले खुलासा गर्नुभयो ।

कार्यक्रममा प्रदेश सांसद लक्ष्मण लम्सालले बाग्मती प्रदेश सरकारले धुलिखेलमा प्रदेशस्तरीय जनस्वास्थ्य कार्यालय (प्रयोगशाला) स्थापना गर्न गरिएको निर्णयले साकार रुप पाएकोमा आम नागरिकहरुप्रति बधाई व्यक्त गर्नुभयो । प्रदेश सांसद रत्न ढकालको तर्क थियो– देशका मन्त्रालयपछिको मुख्य सेवा कार्यालयहरु स्थापनाको लागि काभ्रेबाट निर्वाचित प्रदेश सांसदहरुले निरन्तर रुपमा प्रदेश सरकारसँग आवाज उठाउने क्रममा यो सफलता मिलेकोे बताउनुभएको छ ।

धुलिखेल नगरपालिकाले प्रयोगशाला व्यवस्थापनका लागि चार वर्षका लागि भवन उपलब्ध गराएको छ भने चार वर्ष पछि नगरपालिकाले उपलब्ध गराउने जग्गामा प्रयोगशालाको भवन निर्माण हुने पनि कार्यक्रमका वक्ताहरुले बताएका छन् ।
बागमती प्रदेश सरकारले प्रादेशिक जनस्वास्थ्य प्रयोगशाला धुलिखेलमा स्थापना गर्ने तयारी गरे अनुरुप २४ सै घण्टा सेवा उपलब्ध हुने गरी प्रादेशिक प्रयोगशाला स्थापना गरिएको बताएका थिए । स्मरण रहोस्, प्रयोगशालाको सम्पूर्ण लागत प्रदेश सरकारले व्यहोरेको छ भने व्यवस्थापकीय जिम्मेवारी धुलिखेल नगरपालिकाले लिएको छ ।