कोरोना संक्रमितप्रति सहयोगी हात

सलन मगर काभ्रेली
बनेपा/बनेपा नगरपालिकाले सञ्चालन गरेको आइसोलेशन व्यवस्थापन गर्न श्रमिक जनउत्थान साकोसका राजन अधिकारीको पहलमा विभिन्न संस्थाहरुले खाद्यान्न, तेल, साबुन लगायत अत्यावश्यक सामग्री नगर उप–प्रमुख रेखा सापकोटा दाहाललाई हस्तान्तरण गरेको छ ।

हस्तान्तरण कार्यक्रममा बोल्नुहुँदै उपप्रमुख रेखा सापकोटा दाहालले विश्व महामारी रुपमा फैलिएको कोभिड–१९ ले गर्दा नेपाल पनि अछुतो रहन नसकेको र बनेपामा संक्रमितको संख्या बढ्दै गएकाले लगातार ७ दिनको प्रयासमा बनेपा नगरपालिकाले ५० बेडको आइसोलेसन तयार गरी सञ्चालनमा ल्याएको जानकारी दिनुभयो। साथै उपप्रमुख दाहालले यो महामारीको अवस्थामा यो सहयोगले उर्जा मिलेको बताउँदै धन्यवाद दिनुभयो ।

सोमबार एक कार्यक्रम बीच ज्योति लाईफ इन्सोरेन्स काभ्रे युनाईटेड साकोस, सेवानुङ साकोस, सम्बृद काभ्रे, कृषि सहकारी, बज्रबाराही साकोस, जीवन सुधार कृषि सहकारी, सन्दुस साकोस र श्रमिक जनउत्थान साकोस लगायतका संस्थाको सहयोगमा संकलित चामल १०५० के.जी., साबुन १४४ वटा, दाल ७५ के.जी.नून १५० के.जी. र तेल ५० लिटर राहत सामाग्री श्रमिक जनउत्थान साकोसका राजन अधिकारीले बनेपा नगरपालिका उप प्रमुख रेखा सापकोटा दाहाललाई हस्तान्तरण गर्नुभयो ।