गजल

मैले सम्झिएपछि मात्र सम्झिनेलाई खै के भन्नु !
म तिर पटक्कै ध्यान नदिनेलाई खै के भन्नु !!

म चाहन्छु ऊ सधैं मेरो वरिपरि नै रहिरहोस्,
तर मलाई देख्नासाथै तर्किनेलाई खै के भन्नु !

आकर्षणमा लोभिएर मित्रताको हात बढाई,
अनेकथरी बहानामा पन्छिनेलाई खै के भन्नु !

माहुरी झैं एक एक गर्दै वगैंचामा चहारेर,
भवँराको मस्ती खोज्दै भौंतारिनेलाई खै के भन्नु !

जवानी त यसै बित्ला मस्तीमा नै रमाइ–रमाइ,
भविस्यको चिन्ता विल्कुल नलिनेलाई खै के भन्नु !

शिरीष ढकाल
मण्डनदेउपुर नगरपालिका–५, काभ्रेपलाञ्चोक
हालः दुबई, युएई