कर्मचारीलाई स्वतन्त्र ढंगबाट काम गर्न देऊ

केपी ओली नेतृत्व सरकारले प्रतिनिधिसभा विघटन भए पछि कर्मचारीहरुलाई सहज ढंगबाट आफ्नो जिम्मेवारी निर्वाह गर्न केही समस्या परेको छ । कुन कर्मचारीले कस्को बिरोध वा समर्थन गर्छन भनि कर्मचारीमाथि निगरानी गर्ने, अनावस्यक ढंगबाट मानसिक यातना दिने काम हुदै आएको छ । राजनीतिक दलका जिम्मेवार तहमा रहेका नेतृत्वले मात्रै नभएर मन्त्रालयका सचिवहरूमार्फत पनि कर्मचारीहरुमाथी नीगरानी राख्ने गरेको छ । कुनै कर्मचारी आन्दोलनमा गयो या गएन, आन्दोलनमा गएका कर्मचारीहरुले कार्यालयमा हाजिर गरे नगरेको रेकर्डलाई मसिनो ढंगबाट केलाउने गरेका छन् । जसको कारण कर्मचारीहरुलाई काम गर्न कठिन भएको छ ।
नेकपाका दुई खेमा मध्यको प्रचण्ड—माधव खेमाले विभिन्न स्थानमा गरेको विरोधशभा साथै जनप्रदर्शनमा सहभागि नहुन कर्मचारीहरुलाई दवाव दिएको छ । कर्मचारीलाई स्वतन्त्र राख्न खोज्नु राम्रो हो , तर सरकार पक्षको गुटमा सहभागी हुनुपर्ने र सरकार बाहीर रहेका पक्षहरुमा सहभागी हुन नहुने भन्ने ढंगको दवाव राम्रो होईन । कर्मचारीहरुलाई निस्पक्ष ढंगको कार्य गर्ने वातावरण हुन नसक्दा सेवाग्रहीहरु मारमा पर्ने गरेका छन् । शक्तिको आधारमा मात्रै सेवाग्राहीहरुले सेवा लिनु पर्ने अवस्थाले गर्दा निस्पक्ष ढंगबाट सेवा दिन चाहने चर्मचारीहरु चिन्तित रहेका छन् । कर्मचारीहरुलाई निस्पक्ष ढंगबाट कार्य गर्न नदिनु भनेको मुलुकमा थप अस्थिरता कायम राख्नु हो । त्यसैले कर्मचारीलाई कुनैपनि दलले हस्तक्षप नगरि कुनुन सुम्मत जनताको काम गर्ने वातावरण बनाउन जरुरी रहन्छ ।
दलहरुले कर्मचारीहरुलाइ आफुतर्फ आकर्षण गर्नको लागि बिभिन्न आस्वासन दिने गरेका छन् । बिशेष गरेर नेकपाका दुई गुटले कर्मचारी आफुतर्फ ल्याउन हरेक पहल गरेका छन् । नेकपा दाहाल–नेपाल समूहले आन्दोलनमा सहभागी हुने कर्मचारीलाई राज्य संयन्त्रले धाकधम्की दिन थालेको भन्दै आलोचना गरेको छ । कर्मचारी कारबाहीमा परे पुनर्बहाली गर्ने प्रतिबद्धता जनाउँदै दाहाल–नेपाल समूहका अध्यक्षद्वय पुष्पकमल दाहाल र माधवकुमार नेपालले आस्वासन दिदैछन् । कुनै पार्टीको कार्यक्रममा देखिए झूटा मुद्दा लगाए खारेज गर्ने तयारी समेत गरेको पाईन्छ । तर कर्मचारीहरु भने कुनै दलको कार्यक्रममा सामेल नभई आफुले पाएको जिम्मेवारी निस्पक्ष ढंगबाट पुरा गर्ने मनसायमा छन् । वास्तवमा कुनैपनि तहका कर्मचारीहरुलाई दलहरुले दलगत स्वार्थमा लगाउनु हुदैन । उनिहरुलाई निर्धक्कसंग जिम्मेवारी पुरा गर्नदिने वातावरण तयार गर्नुपर्छ साथै कर्मचारीहरुले पनि निस्पक्ष ढंगबाट कार्य गर्न जरुरी रहन्छ ।