लुकेको क्षितिज बजारमा

काभ्रे । धार्मिक एवं स्रष्टाहरुको उर्वरा भूमिका रुपमा परिचित उत्तरप्रयागको नामले प्रख्यात भूमि पछिल्लो समय स्रष्टाहरुको उद्गम स्थलको रुपमा परिचित हुँदै गएको छ ।
साहित्यकार तुयुकाजी ताम्राकारको कविता संग्रह छन्दचुली छन्दक लुकेको क्षितिजको लोकार्पण वरिष्ठ साहित्यका मोहन दुवालले एक कार्यक्रम बीच गर्नुभएको छ । अक्षरमार्गले प्रकाशन गरेको सो कविता संग्रहमा देशभक्तिको भावना, सामाजिक विकृति तथा विसङ्गति, मानीय संवेग आदिका भाव पोखिएका छन् । समसामयिक विषयमा रचिएका कविताहरू पनि रहेका छन् । केही कविताहरूमा मानवीय संवेगका कुराहरू पनि छन् । कवितामा माया, प्रेमका सन्दर्भहरू पनि रहेका छन् । साहित्यकार सूर्यप्रसाद लाकोजूको सभापतित्वमा सम्पन्न सो कार्यक्रममा प्रमुख अतिथि तथा जनमत वाङ्मय प्रतिष्ठानका अध्यक्ष मोहन दुवाल, साहित्यकार सूर्यप्रसाद लाकोजू, तुयुकाजी ताम्राकार, मच्छेश्वर सापकोटा, रामसुन्दर देउजा, ध्रुवकृष्ण ताम्राकार, सुभद्रा दहाल लगायतले मन्तब्य ब्यक्त गरेका थिए ।
पनौतीको प्राचीन कथा, तरङ्गित छालहरू, तीन धामको यात्रा त्यसभित्रको कथा, पर्वत राजमा आनन्द जस्ता कृतिका सर्जक ताम्राकारको या कविता सङ्ग्रह साहित्यिक विधाका दृष्टिले दोस्रो हो ।