नजिर कायम हुनु दुर्र्भाग्य हो

नेपाल पत्रकार महासंघको ११औं अधिवेशन सम्पन्न भईरहँदा पत्रकारिता क्षेत्रमा नयाँ नजिर कायम भएको छ । जसका कारण भोलिका दिनमा विवाद सिर्जना गर्न बाटो खुलेको छ ।
कसैका लागि आरक्षित गरिएका कोटामा फरक कित्ताबाट उम्मेदवारी पर्नु र निर्वाचन समितिले त्यसलाई सहर्ष रुपमा स्वीकारेर निर्विरोध घोषणा गर्नुले विधिले चुनौती दिएको स्पष्ट देखिन्छ । के दश वर्षे जनयुद्ध यही विभेद स्थापित गर्नलाई भएको थियो ? अनगिन्ती प्रश्नहरु उब्जिएका छन् । जुन बाटो अपनाएर सत्ता प्राप्तिका लागि अगाडि बढियो, त्यसलाई प्रशय दिनु ठूलो अपराध हुन सक्छ । यो जसले विभेद अन्त्यका लागि आफ्नो जीवन उत्सर्ग गरे, उनीहरुमाथिको अपमान हो भन्दा फरक पर्दैन । यसले ०६२÷०६३ को आन्दोलन र १० वर्षे जनयुद्धबाट प्राप्त सीमित अधिकारहरु खोसिँदै छ भन्ने संकेत गरेको छ । समावेशी कोटामा गैर समावेशीहरुको उपस्थितिले यि शंकाहरुलाई स्पष्ट रुपमा निवारण गरेको पाइन्छ ।
प्रत्यक्ष निर्वाचन प्रणालीअन्तर्गत भएको निर्वाचनले सोचेभन्दा फरक किसिमको नतिजाहरु पस्किएको छ । जसका कारण पनि यो निर्वाचन अत्यन्तै मनन् योग्य पनि भएको छ । तीन वर्षे कार्यकालका लागि भएको यो निर्वाचनले सकारात्मक सन्देश छोड्नुको सँगसँगै नकारात्मक संस्कारको पनि खाता खोलेको छ । जसअन्तर्गत प्रचलित मुलुक ऐनमा व्यवस्था गरेभन्दा फरक किसिमको संस्कारको थालनी भएको छ । जसको सुरुवात नेपाल पत्रकार महासंघ काभ्रे शाखामा देखिएको छ ।
प्रचलित ऐनमा व्यवस्था भएअनुसार समावेशी मधेशी कोटामा पत्रकारिता क्षेत्रमा काभ्रेमा कोहि पनि पत्रकार नै छैनन् तर काभ्रे शाखामा गैर समावेशीले मधेशी कोटामा निर्विरोध हुने अवसर पाउनुले भोलिको दिनमा नजिरको रुपमा यसले आफूलाई स्थापित गर्ने सुनिश्चित छ । यहाँ पात्र को भन्नेसँग सम्बन्ध रहेन, गलत संस्कारको थालनी भएकोमा चिन्ता व्यक्त गर्नु स्वभाविक हो । निर्वाचन समितिले के ग¥यो त्यो सरोकारको विषय नहोला तर जुन किसिमको विधि मिचेर निर्विरोध भयो भनेर घोषणा गरियो, त्यसप्रति गम्भीर आपत्ति रहनुपर्छ । अन्यथा भोलि आरक्षण कोटामा यो या त्यो नाममा उम्मेदवारी पर्छन् र यही नजिरलाई लिएर बहसहरु चल्छन् र निर्वाचन आयोगले यसैमा टेकेर निर्णय दिन बाध्य हुनेछ । तसर्थ आज बुढी मरी भन्ने चिन्ता होइन, काल पल्कियो भन्ने तर्फ चनाखो हुन आवश्यक छ ।
त्यसैगरी यो निर्वाचनले सिकाएको महत्वपूर्ण पाटो आफूलाई चित्त नबुझेको उम्मेदवारका विरुद्ध प्रमाणबिना दाबी विरोध गरेर मान मर्दन गर्ने संस्कारले पनि प्रशय पाएको छ । यो गतिविधिले पत्रकारिता क्षेत्रलाई अब मर्यादित, अनुशासित रुपमा अगाडि बढ्छ भन्ने देख्नु दुर्भाग्य हुनेछ । यसले भावि पुस्तालाई नकारात्मक बाटोतर्फ डोहो¥याउने निश्चित छ । तसर्थ, यस किसिमको गतिविधिले पत्रकार महासंघको निर्वाचनप्रति आम नागरिकलाई समेत सशंकित बनाउनु न्यायसंगत पक्कै होइन । जसका कारण पत्रकारिता पेशाप्रति नै वितृष्णा मात्र जगाएनन् यसले पत्रकार भनेर प्राप्त मान, सम्मानप्रति नै प्रश्न चिन्ह ठड्याएको छ ।
यि तमाम विषयलाई सुक्ष्म अध्ययन गर्ने हो भने ११औं अधिवेशन इतिहासले नै प्रश्न गर्ने ठाउँ छोडेर गएको स्पष्ट देखिन्छ । त्यसैले यस किसिमका गतिविधिका बारेमा सम्बन्धित पक्षको गम्भीर ध्यानाकर्षण हुनेछ भन्ने अपेक्षा हामीले लिएका छौं । कसैको निजी स्वार्थप्रतिका लागि कसैको मान, मर्दन लिनु, चरित्र हत्या गर्नु कहाँसम्मको न्याय हुन्छ ? तसर्थ यस विषयमा जिम्मेवार निकायले गम्भीर रुपमा निमर्म ढंगले समिक्षा गरी त्यस किसिमका गतिविधितर्फ ध्यानाकर्षण गराउँछ भन्ने अपेक्षा हामीले राखेका छौं ।