ओली सिद्धान्त, नैतिक विहिन, अराजक व्यक्ति होः पुर्व—प्रधानमन्त्री

काभ्रे । नेकपा (एमाले) का वरिष्ठ नेता एवं पुर्व—प्रधानमन्त्री माधवकुमार नेपालले प्रधानमन्त्री केपी शर्मा ओली नैतिक नभएको व्यक्ति भएको बताउनु भयो ।
नेपल कम्यूनिष्ट पार्टी (एमाले) जिल्ला कमिटि काभे्रपलाञ्चोकको विस्तारित बैठकको उद्घाटन गर्नें क्रममा पुर्व प्रधानमन्त्री नेपालले बताउनु भएको हो ।
कार्यक्रमका प्रमुख अतिथि पुर्व—प्रधानमन्त्री नेपालले थप्नुभयो—केपी ओलि न गणतन्त्र, न लोकतन्त्रकै पक्षमा नरहेको बताउनु भयो । ओलि सिद्धान्त, विचार नैतिक समेत नभएका व्यक्ति हुन् । ध्वंसको अभियन्ता साथै अराजक्ताको माउ रहेको साथै नेपाल र नेपाली जनताको हितको खातिर कुनै कार्य नगरी अगाडी बढेको छ , मुलुकको हित विपरित कार्य गर्दै गर्दा हामीले मौन रहन नसक्ने भएकोले केपीको मुलुक हित विपरित ढंगको कार्यको विरुद्धमा उत्रिएको पुर्व—प्रधानमन्त्रीले बताउनु भयो ।
कार्यक्रममा प्रमुख अतिथि नेपालले भन्नुभयो —‘केपी ओली कहिल्यै पनि निर्माणका अभियन्ता भएनन्, ध्वंसका अभियन्ता बनिरहे ।’ हर चुनौतीहरूको सामना गर्ने आँट राख्न कार्यकर्ताहरूलाई निर्देशन दिनुभयो । उहाँले केपी ओली ज्ञानेन्द्र जसरी नै सिद्धिने ठोकुवा गर्नुभयो । विगतलाई स्मरण गर्दै नेपालले भन्नुभयो—पार्टीले गणतन्त्रमा जाने निर्णय गर्दा केपीले विरोध गरेको थियो । ओलीलाई गणतन्त्रको माया छैन, हामीलाई माया छ । मैले मिलाउन खोज्दै छु, मिल्ने अवस्थामा छैन । ओली पदको भोको भएको र आफूहरू सिद्धान्त र सङ्गठनको भोको रहेको बताउनुभयो ।
केपी ओली बालुवा भएको बताउँदै नेता नेपालले जति पेले पनि तेल ननिस्केको बताउनुभयो । ‘हाम्रो सङ्गठन राम्रा राम्राको सङ्गठन हो । हामीले सङ्गठन बनाउन लाग्यौ ओलीले भजन मण्डली बनाउन लागे ।’
त्यसैगरी कार्यक्रममा बागमति प्रदेस सांसद बशुन्धरा हुमागाईले कार्यक्रममा उपस्थिति भएकाहरुलाई स्वागत गर्दै भन्नुभयो—प्रधानमन्त्री केपी ओलीले अाँन्दोलन हारेको छ, हामी सत्य र न्याएको पक्षमा सधै उभिने छौं, जसको कारण ओलीलाई आन्दोलनमा हराएर हामीले जित्न सफल भएका छौं । न्यायालयले अनौठो फैसला गर्यो—बच्चा जन्मिईसकेको अवस्थामा विवाह नगरेको भन्दै नेकपालाई मान्यता नदिएको हुमागाईले बताउनु भयो । सुदृढ एमाले निर्माण अभियानमा नेकपा एमाले अगाडी बढेको छ, सोही अनुसार हामी अगाडी बढेका हौं, पार्टीको अभियान सफल पार्नको लागि काभे्रमा टोकबहादुर वाईवाको अध्यक्षतामा टिम अगाडी बढेको बताउनुभयो । पार्टीको नीति अनुसार दुई महिने अभियानलाई काभे्रले सहज ढंगबाट सफल पार्ने ठोकुवा गर्नुभयो ।
त्यसैगरी वागमती प्रदेशका सांसद लक्ष्मण लम्सालले भन्नुभयो—करोडौंको भ्रष्टाचार साथै दर्जनौ काण्डको नेतृत्व साथै संरक्षण गर्नेहरु पछिल्ला समयमा गाउंगाउंमा पुगेर झुटको खेती गर्दै गरेको बताउनु भयो । उहाँले थप्नुभयो—तीन बर्ष सम्म ठुला पदमा रहेर विकास निर्माणको कार्यमा कुनै माख्खो मार्न नसकेका नेताहरु गाउंगाउंमा पुगेर जनतालाई भ्रम छर्दै गरेको बताउनु भयो । सांसद लम्सालले थप्नुभयो—प्रधानमन्त्री ओलीले नेकपा विघठन गरे,अव नेकपा एमाले बिघटन गर्ने तयारीमा रहेको बताउनु भयो । प्रधानमन्त्री ओलीले नेकपा विघटन गर्ने तयारी गरेकोले पार्टीलाई जोगाउनको लागी विस्तारीत बैठकको आयोजना गरेको बताउनु भयो ।
त्यसैगरी कार्यक्रमको सभापतित्व गर्दै मण्डनदेउपुर नगरपालीकाका प्रमुख एवं नेकपा एमाले काभे्रका अध्यक्ष टोकवहादुर वाईवाले ९ औं महाँधवेशनको आधारमा विस्तारीत बैठक आयोजना गरेको बताउनु भयो । उहाँले थप्नुभयो—ओली गुटको निर्देशनमा ९ औं महाँधिवेशिनबाट उपाध्यक्षको जिम्मेवारी पाएका उपाध्यक्षको नेतृत्वमा बैठक राखेर अवैधानिक कार्य गरेको बताउनु भयो । नेपाली जनताले नेकपा माओवादी र नेकपा एमालेको मिलनलाई खुसि मान्दै विस्वास गरी झण्डै दुई तिहाईको नजिकमा पु¥यायो तर ओलीको षड्यन्त्रले गर्दा नेपाली जनताको आशा र भरोसामा कुठाराद्दात भएको बताउनु भयो ।
टोकवहादुर वाईवाको सभापतित्व साथै दिपक गौतमको संञ्चालनमा सम्पन्न भएको उक्त कार्यक्रममा नेकपा एमाले केन्द्रिय उपाध्यक्ष अष्टलक्ष्मी शाक्य, पुर्व सांसद विदुर सापकोटा, कृष्णप्रसाद सापकोटा, लगाएतका नेताहरुले आ—आफ्नो धारणा राख्नुभएको थियो । विस्तारित बैठकबार अध्यक्षमा कोकवहादुर वाईवा, उपाध्यक्ष बशुन्धरा हुमागाई सचिब दिपक गौतम रहेको जिल्ला कमिटिमा २ सय १ जनाको जिल्ला कमिटि गठन भएको छ ।