कोरोनाको महामारीबाट संयम होऔं

दोस्रो लहरको कोरोना संक्रमणपछि पनि मानिसले जनस्वास्थ्यका मापदण्ड पालना नगरेको, भीडभाड हुने कार्यलाई जारी राखेकाले संक्रमण तीव्र रूपमा फैलिरहेको छ । कोरोनाको महामारी फैलदै गर्दा सरकारले भिडभाड हुने ढंगको कुनै कार्य नगर्न निर्देशन दिएपनि व्यवहारमा उतार्न नसक्दा नेपाली जनताहरु त्रसित भएका छन् । सरकारको निर्देशनमा विद्यालय बन्द भयो तर अन्य भिडभाड हुने ढंगको कार्य निरन्तर रुपमा हुदै गर्दा सम्बन्धित निकायको मौनताले रोगको प्रकोप फैलने संभावना बढ्दो छ । महामारीको बारेमा सरकारले कडाई नगर्दैमा नेपाली जनताहरुले लापर्वाही गर्नु संक्रमणलाई बढाउनु हो ।

हरेक प्रकारको कार्यक्रममा २५ जनाभन्दा बढीको उपस्थिति हुन नहुने सरकारी निर्देसन छ । तर सरकारको निर्देसनलाई पालना नगर्नु भनेको संक्रमणलाई फैलाउने कार्यलाई टेवा पु¥याउने हो । धार्मीक मान्यता अनुसार लामो समयसम्म शुक्र अन्ध भए, जुन समयमा कुनैपनि शुभ कार्य गर्न नहुने धार्मिक मान्यता अनुसार माघ रफाल्गुण महिनामा कुनैपनि शुभ कार्य हुन सकेन । जसको कारण बैशाख महिनामा विवाह, ब्रतबन्ध, सप्ताह मात्रै नभएर मठ मन्दिरम दर्शन गर्नेहरुको भिडभाड रहेको छ । नेपालको बिभिन्न शक्तिपिठहरुमा भक्तजनहरुको लर्को ठुलै छ । जसका कारण कोरोनाको महामारी फैलने संभावना बढी रहेको छ । यस्तो भयावह अवस्थालाई मध्य नजर राख्दै भिडभाडमा सहभागी नहुनाको साथै स्वास्थ्य मापडण्ड पुरा गर्न जरुरी रहन्छ ।

हिन्दुधर्म अनुसार गरिने विभिन्न शुभ अशुभ कार्यहरु गर्दा स्वास्थ्य मापदण्ड पुरा नगरेको पाईन्छ । जसको कारण महामारी फैलने खतरा बढ्दै छ । यस्तो जटिल अवस्थामा गरीने हरेक प्रकारको कार्यमा स्वास्थ्य मापदण्ड पालना गर्दै सामाजिक दुरी कायम गरी भिडभाड नहुने ढंगबाट कार्य सम्पन्न गर्न जरुरी रहन्छ । विकराल अवस्थामा सम्म्यम रहेर महामारी फैलन नदीनु हामी सवैको कर्तव्य हो, सरकारले कडाई नगरेको भन्दै स्वास्थ्य मापदण्ड पुर्ण नगर्नु हामी सवैको कमजोरी रहन्छ । आफ्नो परिवार,टोल छरछिमेक, गाउं, नातागोता साथै नेपालमा कोरोना फैलन नदिनको लागि हामी आफैले भुमिका निर्वाह गर्न जरुरी रहन्छ ।