मैले जस्तो कोभिडको पीडा अरु कसैले भोग्न नपरोस् भनेर बुवाको सम्झनामा सहयोग गरेको हुँ

सिर्जना तामाङ
काभ्रे । कोरोनाको हाम्रो समाज आक्रान्त पारीसकेको छ । कसैलाई कोरोनाले जीवनमा ठूलो पीडा दिएको छ भने कसैलाई अझै सम्म पनि ख्याल ख्याल लागिरहेको टड्कारो देख्न सकिन्छ । भाव विव्हल हुँदै रोशी २ का ए वा विल्डर्स प्रा.लि. का डाइरेक्टर भक्त लामाले आफ्नो वेदनाहरु पोखे ।
यही जेठ ४ गते मेरो आत्मीय बुवाको कोरोनाकै कारणले निधन भयो । कोरोनाबाट बचाउन हामीले हर सम्भव प्रयास गर्यौ तर केही सीप चलेन । उमेरले ६७ वर्षको भए पनि कुनै पनि दीर्घ रोग नभएको हट्टा कट्टा र हँसिलो मेरो बुवा कोरोनाकै कारणबाट हामीलाई छाडेर जानुहुन्छ भन्ने त सोचेको पनि थिएन । आफ्नो स्वर्गीय पितालाई सम्झदै बताउनु भयो । अहिले म निकै दुःखी छु । मैले जस्तो पिडा अरु कसैले भोग्न नपरोस भनी मेरो बुवाको सम्झनामा रोशी अस्थाई अस्पताललाई सहयोग गरेको हुँ । हाम्रो समुदायमा अहिले पनि कोरोना संक्रमित विरामीहरु हुुुनुहुन्छ । रोशी अस्थाई अस्पतालमा इमरजेन्सी उपचार र आवश्यक औषधीहरुको अभाव नहोस भनी सहयोग गरेको र यस कार्यमा विष्णुमान लामा र जसमान बलले पनि आफूलाई सहयोग गरेको लामाले बताउनु भयो ।
रोशी गाउँपालिकाको अध्यक्ष डि.वि. लामा र प्रमुख प्रशासकिय अधिकृत डम्बरु दाहालको रोहबरमा लामाले ५ लाख ७१ हजार मूल्य बराबरको अक्सिजन सिलिण्डर अक्सिजन सहितको १० ओटा, मल्टि भिटामिन ३०० पत्ता, भिटामिन सी ३०० पत्ता, भिटामिन डी ३०० पत्ता, मास्क २ हजार पिस, ग्लोब्स ५ बक्स, सेनिटाइजर ४० ग्यालीन, प्यारासिटामोल १ हजार पत्ता वितरण गरिएको रोशी १ को वडा अध्यक्ष श्रीदास लामाले जानकारी दिनुभयो ।
सामग्री ग्रहण गर्दै रोशी गा. पा. अध्यक्ष डि. वि. लामाले महामारीको यस विषम परिस्थितिको शिकार हुन पुगेको भक्त भाइले आफूले पाएको पीडा कम गर्न र समाजलाई सचेत गराउदै उल्लेखनिय योगदान पुर्याउनुभएकोमा उहाँको सहयोग र भावनाको उच्च सम्मान गर्दै शोक सन्तप्त परिवार प्रति सान्त्वना व्यक्त गर्नु भयो । साथै आम नागरिक लाई निषेधाज्ञाको पालना गर्दै सबै रोशी बासीहरु सुरक्षित रहन आग्रह गर्नु भएको छ । कोरोना न्यूनिकरणका लागि पालिकाकाले आवश्यक पहल गर्दै आएको जानकारी पनि गराउनु भएको छ ।