क्वारेन्टाईलाई व्यवस्थित गर

बिश्वमा महामारीको रुपमा फैलिएको कोरोना भाईरसको संक्रमण लाई फैलन नदिनको लागि क्वारेन्टाईनलाई व्यवस्थित गर्न जरुरी रहन्छ । रोजगारी तथा अध्ययनको लागि विदेशमा रहेका नेपालीहरु स्वदेश फर्कने क्रममा आएका नेपालीहरुका कारण साथै भारतिय नागरिक लुकिछिपि नेपाल आउने क्रममा रोगको संक्रमन बढेको पाईन्छ । विदेशबाट स्वदेश फर्कनेहरुका कारण रोगको संक्रमण बढ्न नदिनको लागि क्वारेन्टाईको व्यवस्था गर्न जरुरी रहन्छ । क्वारेन्टाईनमा बस्नको लागि सुबिधा नभएको साथै संक्रमण हुने डरले गर्दा क्वरेन्टाईनमा बस्न रुचाउदैनन् ।
मुलुकका अधिकांश स्थानहरुमा क्वारेनटाईन कक्षको व्यवस्थापन गर्नको लागि विद्यालय रोजिएको छ । विद्यालयको कक्षा कोठामा बनाइएको क्वारेन्टाईन कक्षमा ५—७ जना सम्म राख्ने गरेको छ । जसले गर्दा समस्या समाधान हुनुको साटो जटिल समस्या निम्तन सक्ने प्रवल संभावना रहेको छ । विदेशबाट आएकाहरुलाई राखेको क्वारेन्टाईनमा धेरै जना हुंदा ति मध्य एकलाई संक्रमण भएको रिपोर्ट आउनासाथ सोही कोठामा रहेका अन्य समेत त्रसित हुने गरेका छन् । त्यतिमात्रै नभएर क्वारेन्टाईनमा बसेको ११÷१२ दिनको दिन एउटै कोठामा रहेका ५—७ जना मध्य १ जनाको पोजेटिभ देखिना साथ सोहि कोठामा रहेका अन्य समेत घरजान पाउने अवस्था बाट बञ्चित हुन्छ ।
एउटै कोठामा रहेका धेरै मध्ये एकजनालाई पोजेटिभ देखिएपछि सो कोठामा रहेका अन्यलाई पनि सर्ने संभावना रहन्छ । नेपालमा कोरोना संक्रमणको सुरुवाति देखि हाल सम्मको अवस्थालाई मध्यनजर राख्दा क्वारेन्टाईन कक्षमा बसेर घरगएकाहरु लाई रोग लागेको धेरै उदाहरणहरु रहेका छन् । क्वारेन्टाईन कक्षमा सामान्यतया १४ दिन बस्नुपर्नेमा एउटै कोठामा बसेका मध्य कसैलाई रोग देखा पर्दा बाध्यताबस थप बस्नुपर्ने अवस्था समेत आउने गरेको छ । जसले गर्दा क्वारेन्टाईनमा बस्नेहरुलाई पिडा हुनेमात्रै नभई आर्थिक व्ययभार समेत बढ्ने गरेको छ । सामान्यतया १४ दिन सम्म क्वारेन्टाईमा राखेर घरपठाउनु पर्नेमा पुन थप गर्नुपर्दा उसको खानपानमा आउने खर्च बड्नु स्वभाविकै हो । त्यतिमात्रै नभएर ठाउँको अभाव समेत हुने गरेको छ ।
आर्थिक व्ययभार कम गर्ने साथै कोरोनाको संक्रमणलाई फैलन नदिनको लागि पहिलो प्राथमिकता क्यारेन्टाईन कक्षलाई व्यवस्थि ढंगबाट व्यवस्था मिलाउन जरुरी रहन्छ । क्वारेनटाईनमा बस्नेहरुलाई समुहमा नभई छुट्टै छुट्टै वस्ने वातावरण मिलाउन जरुरी छ । विदेशबाट आएकाहरुलाई रोग देखा पर्ने क्रम बढेकोले एउटै कोठामा धेरैलाई राख्दा संक्रमन फैलने संभावना बढ्छ । कोरोना पोजेटिभ देखिएकाहरुलाई आइसोलेसनमा राखेर उपचार गर्दा एउट कक्षमा एक भन्दा बढि राख्दा पनि खासै फक पर्दैन । संक्रमणको अवस्था हेरेर रोगको वर्ग छुट्याएर एउटै प्रकारको संक्रमण भएकाहरु धेरैलाई एउटै कोठामा राखेर उपचार गर्न जति सहज हुन्छ क्यारेन्टाईनमा एक भन्दा धेरैलाई राख्नु राम्रो होईन ।