विद्युत प्राधिकरणको लापर्वाही अन्त्य गर

नेपाल विद्युत प्राधिकरणको कमजोरीले गर्दा सेवाग्राहीहरुले सास्ति मात्र पाएनन् जिवन गुमाउनु पर्नेको पनि संख्या पनि एक पछि अर्को गर्दै थपिदै छ । विद्युत प्रवाह भईरहेको तारहरु जमिनमा लत्रनै खोज्दापनि वास्ता नगर्दा कोशिपारी क्षेत्रमा दुईजनाले ज्यान गुमएको विदितै छ । पहाडि लोकमार्गसंग भएको सम्झौता अनुसार विद्युत प्राधिकारणले लापर्वाही गरी समयमा काम नगर्दा घटनाहरु घटेको हो । चौरीदेउराली गाउंपालिक अध्यक्ष दिनानाथ गौतमले पाँचखाल स्थित विद्युत प्राधिकरणको कार्यालयमा आएर कोशिपारी क्षेत्रमा विद्युतको तार खतराको अवस्थामा रहेकोले तत्काल सुधार्न अनुरोध गर्नुभएको थियो । तर प्राधिकरणले सुनुवाई नगर्दा हालैमात्रै एकको जन गएको छ । प्राधिकरणले सेवाग्राहीको समस्याको बिषयमा चासो दिनुको बदला आर्थिक फाईदाको मार्ग अवलम्बन गर्दा प्राधिकरण कर्मचारीबाट पिडित भएकाछन् जनताहरु ।
बर्षाको समयमा दिनमा १५ टपक सम्म बत्ति अउने जाने गर्दापनि खासै चासो देखाएको पाइन्न । कर्मचारीको व्यवहार जता काफल पाक्यो यतै चरी नाचीरहेको छ । कर्मचारीहरु कान्छि नानिकै पछि लाग्दा कान्छि नानि नचाउन नसक्नेहरु समस्यामा परेका छन् । अघोषित ढंगको लोडसेडिङ्गले गर्दा पाँचखाल र आशपासका स्थानियले निकै सास्ति खेप्दैछन् । दिनमा १८ पटक सम्म वत्ती जाँदापनि चुपचाप बस्नुको विकल्प छैन । समय समयमा भोल्टेज हाई आएर सेवाग्राहिहरुको विभिन्न उपकरणहरु समेत ध्वस्त भएका छन् । हिजो मात्रै करेन्ट लागेर पाँचखालमा एकजनाले ज्यान गुमाउनु परेको छ । यस्तो हुदा पनि मौन बस्दैछ प्राधिकरणका कर्मचारी । पाँचखाल प्राधिकरणका कर्मचारीले सार्नु पर्ने स्थानको पोल सार्न मान्दैनन् । तर हाईडेन्सिटि लाईन मुनि घर वनेका छन् । प्राधिकरणले त्यस्ता घरहरुका माथि भएको तारलाई आन्तरिक रुपमा चोचोमोचो मिलाएर सुटुक्ट सार्ने गरेका छन् ।
बनेपा, पनौती, खोपासी सडक विद्युत प्राधिकरणकै कारण दयनिय अवस्थामै छ । सडकमा रहेको पोल सार्नको लागि टेण्डर भईसकेको छ । एक बर्ष अगाडीनै टेण्डर भएपनि काम नहुदा उक्त सडक कालोपत्रै हुन सकेको छैन । जसका कारण दैनिक रुपमा हजारौ हजार जनताले सास्ति खेप्दै छन् । सडक समयमा कालोपत्रै हुन नसक्दा हिलाम्ले अवस्थामा छ । पुराना ग्राहकहरुको पोल ढलेमा केही चासो दिएर आर्थीक उपार्जनको लागि पुग्नेगरेपनि नयाँ ग्राहकहरुले सेवा लिन चाँहादा खासै चासो देखाएको पाइन्न । प्राधिकारणका कर्मचारीहरुको मनन्थितिमा नयाँपन आउन नसके सेवाग्राही र कर्मचारी विच सम्बन्ध थप चिसिदै जाने भएकोले समयमै सचेत हुंदै प्राधिकारण कर्मचारीले गर्दै आएको लापर्वाहिको अन्त्य गर्नु पर्छ ।