सञ्चारकर्मीमाथि गरिने दुव्र्यवहार बन्द गर

पछिल्लो समय यो या त्यो बहानामा सञ्चारकर्मीहरुमाथि हुँदै आएको दुव्र्यवहारलाई लिएर नेपाल पत्रकार महासंघले गम्भीर आपत्ति जनाएको छ ।
पत्रकारहरु समाजका मार्ग प्रशस्त हुन् भन्ने बुझ्दा बुझ्दै पनि जुन किसिमका गतिविधिहरु हुँदै आएका छन्, त्यो लोकतन्त्र पक्षधरहरुका लागि सुखद सन्देश भने पक्कै होइन । समाजमा अन्तर्निहित रहेका विषयवस्तु र घटनाक्रमहरुलाई जोड्ने र नागरिकका सामु खुलस्त सुसूचित गराउने माध्यम भनेकै पत्रकार हुन् । जसले पर्दा पछाडि भएका अवाच्छित गतिविधिहरुलाई खबरदारी मात्र गर्दैन, त्यस किसिमका प्रवृत्तिको विरुद्ध कानूनी दायरामा ल्याएर कानूनी राज्यको अनुभूति समेत गराउने भूमिका निर्वाह गर्दै आएको छ ।
स्मरण रहोस्, ०६२÷६३ को आन्दोलनमा राजनीतिक पार्टीहरुलाई सही मार्ग निर्देशन मात्र गरेन, राजनीतिक एजेण्डा समाएर आन्दोलनमा समर्पित समेत हुन पुगेको शक्ति हो पत्रकार । जसले बोकेको गणतन्त्रको मुद्दा अन्ततः गएर मुलुक त्यही एजेण्डामा अगाडि बढिरहेको छ । यो योगदानका बारेमा चर्चा गरिरहँदा त्यो एजेण्डाले मूर्त रुप पाइरहँदा अनि तिनै पत्रकारहरुलाई यो या त्यो बहानामा अभद्र व्यवहार भइरहँदा सञ्चार जगत् निरिह भएर बस्ने कुरा त रहन्न । त्यसैले पनि सञ्चारकर्मीमाथि हुने कुनै पनि गतिविधिका विरुद्ध डटेर समाधान गर्न पत्रकारहरु सक्षम छन् ।
आज मुलुकले जुन किसिमको निकास पाएको छ, त्यसको जस पत्रकारहरुले नै लिन सक्छन् तर उनीहरु त्यसको भागीदारी बन्न चाहँदैनन् । किनकी उनीहरुलाई त्यसको जस लिनु छैन, त्यसको जगेर्ना गर्नुछ । पछिल्लो घटनाक्रमलाई हेर्ने हो भने यो मुलुकमा राज्यसत्ताबाट भएका कुनै पनि गतिविधिका बारेमा खबरदारी मात्र गरेन, संसद स्थापनाका लागि सर्वाेच्च अदालतलाई घुमाउरो पाटोबाट यथार्थ कुरा पस्कने जमर्काे समेत ग¥यो । जसका कारण आज यो या त्यो बाहानामा दुव्र्यवहारको सिकार बनाउने काम भएको छ । त्यति मात्र नभई मालिकबाट जस्तो व्यवहार आएको छ, हलिले त्यही व्यवहार देखाएको छ भन्दा फरक पर्दैन । किनकी तत्कालिन कार्यकारी प्रमुखबाट जुन व्यवहार पत्रकारहरुलाई गरियो, त्यही व्यवहार स्थानीय सत्ताधारीहरुले देखाए । जसको पछिल्लो उदाहरण विभेदकारी रह्यो । जुन किसिमको विभेदका सिकार हुनुपरेको छ, त्यसको जवाफ समयले मागेको बखत पत्रकारहरुले दिनेछन् भन्ने विश्वास श्रमजीवि पत्रकारहरुले लिएका छन् ।
आशा छ, अब मालिकको व्यवहार हलिले गर्नेछैन । हलि, हलिको ठाउँमा सक्षम छ भन्ने उदाहरण उसका गतिविधिहरुले प्रष्ट्याउन सक्ने वातावरण सिर्जना गर्नेछ भन्ने विश्वास पत्रकारले लिएको छ । हेक्का रहोस्, कुनै पनि बादशाहहरु जनसागरको अगाडि टिकेका छैनन् । क्षणिक कसले के ग¥यो, को कहाँ पुग्यो त्यसतर्फ नहेरौं । आन्दोलनको आँधीबेरीले सबैलाई आ–आफ्नो हैसियतमा पु¥याउने नै छ । आज कसैले पनि अहम्ता प्रस्तुत गर्ने कुचेष्टा नगर्दा हुन्छ । इतिहास साक्षी छ, कयौं ठूला अधिनायकवादका नायकहरु ढलेको इतिहास पढ्दै आएका छौं । त्यो इतिहास फेरि दोहोरिने छैन भन्ने ठम्याई हाम्रो छ । तसर्थ पनि पत्रकारहरुमाथिको दुव्र्यवहार अन्त्यका लागि आ–आफ्नो स्थानबाट मम भन्न पर्ने अवस्था सिर्जना नगरौं ।