लायन्सप्रति साधुवाद !

लायन्स क्लब भनिसकेपछि यो हाम्रो पहुँचभन्दा बाहिरको र धनीमानीले मात्रै यसमा समेटिन सक्छन् र धनीमानीको वर्चश्व रहन्छ अथवा पैसा हुनेहरु मात्रै यस क्लबमा अट्छन् भन्ने परम्परावादी सोचलाई चिर्दै पछिल्लो समय लायन्स क्लबप्रति हुनेखाने होइन, हुँदाखानेको पनि लगाव बढेको छ ।
लायन्स क्लबले समाज रुपान्तरणमा आफूलाई अब्बल रुपमा प्रस्तुत गरेकै कारण यस किसिमको आकर्षण बढेको यथार्थ हो । लायन्स क्लबले मुलकका १४ वटा अति विपन्न बस्तीहरुलाई सम्वृद्ध बनाउने अभियान लिएर बस्ती बस्तीमा आफ्नो उपस्थिति दर्ज ग¥यो, त्यसपछि लायन्सप्रतिको जनचासो बढेर गएको सहजै अनुमान गर्न सकिन्छ ।
लायन्सको उपस्थितिमा निर्माण हुन लागेका उद्यमी नमूना गाउँका बासिन्दाको एउटै स्वर छ, अब लायन्सलाई छोडिन्न । लायन्सको जुन अभियानले समुदायमा आमूल परिवर्तन हुन देखेरै स्थानीयले यसो भनेका हुन् । राजनीतिक रुपमा हुने छनौट र लायन्सले गरेको छनौटमा आकाश पातालको भिन्नता भेटिएपछि स्थानीयहरु लायन्सप्रति आकर्षित भएका छन् । जनप्रतिनिधि हुन् वा स्थानीय श्रमिक, उनीहरुको एउटै आवाज छ, छनौट होस् त यस्तो । जहाँ कुनै किसिमको विवाद जन्मिँदैन, विभेदको त कुरै नगरौं । जसका कारण स्थानीयहरु दत्तचित्त भई लायन्सले उपलब्ध गराएको बिउबिजनदेखि कृषि औजारलाई सही सदुपयोग गर्दै आफ्नो बस्तीमा आमूल परिवर्तन ल्याउन लागिपरेका छन् । कसरी आफ्नो बस्तीलाई साँच्चिकै नमूना बस्तीको रुपमा स्थापित गराउन सकिन्छ भनेर लागिपरेका छन् । उहाँहरुको अठोट छ, लायन्सले उपलब्ध गराएको कुनै पनि साधन, स्रोत र सुविधालाई दुरुपयोग हुन दिनेछैनौं भनेर लागिपरेका छन् । यसले लायन्सप्रतिको मोह पक्कै पनि जागृत गर्दछ । यस किसिमको आकर्षण बढाउन महत्वपूर्ण भूमिका खेल्ने लायन्स क्लबस् इन्टरनेशनल डिष्ट्रिक ३२५ बि१ प्रति हाम्रो साधुवाद छ ।
लायन्सका प्रतिनिधिहरुले लायन्सको उपस्थिति अब गाउँ–गाउँमा हुनेछ भनिरहँदा उसका गतिविधिले पनि त्यो कुरालाई पुष्टि गरेको सहज रुपमा पाइन्छ । जुन अभियान सहित बस्ती–बस्तीमा गएर नागरिकहरुको जीवनस्तर उठाउनका लागि समर्पित हुने प्रण गरिरहेको छ, त्यसप्रति जनप्रतिनिधि र स्थानीयको अथाह माया, सद्भाव र सहकार्यमा हातेमालो सिर्जना हुनुले अब लायन्स अन्तर्राष्ट्रियमुखी नभई पलपलको सहयात्रीको रुपमा चिनिन पुगेको छ । डिष्ट्रिक गभर्नरका भावपूर्ण अभिव्यक्तिले पनि लायन्सप्रतिको मनोभावना उच्च बनाएको छ । एक लायन्स, एक रुपैयाँ अभियानले जुन सार्थकता कायम गरेको छ, त्यसले नेपाली जनमा आत्मीयता बटुल्न सफल भएको छ । जुन अभियान लिएर बस्ती–बस्तीमा जाने लक्ष्य बनाएको छ, त्यो नै एउटा अनुकरणीय पाटोको रुपमा जो–कोहिले मनन् गर्नुपर्छ भन्ने निचोड हामीले लिएका छौं ।
लायन्स अभियान्ताहरुको अभिव्यक्तिप्रति एकपटक मनन् गर्ने हो भने पनि हामी नागरिकहरुले आफूले आफूलाई रुपान्तरण गर्न आवश्यक छ । उहाँहरुका अभिव्यक्ति सार्वजनिक रुपमै हामी दिन आएका हौं । एकपटक सोच्नुस् त, जो कोहिले यस किसिमको अभिव्यक्ति राख्ने अठोट गर्ला ? हामी दिन आएका हौं, लिनेले कसरी लिन्छ ! अत्यन्तै मर्मस्पर्शी अभिव्यक्तिले जो कोहिलाई एकपटक सोच्न बाध्य पार्नेछ । त्यसैले लायन्सले जुन अभियान लिएर हाम्रा बस्तीहरु चहार्ने जमर्काे गरेको छ, त्यसप्रति हाम्रो सदासयता रहनुपर्छ भन्ने निचोडमा हामी पुगेका छौं ।