बजार अनुगमनलाई निरन्तरता देऊ

बजार अनुगमनलाई निरन्तरता नदिदा साथै भेगीयरुपमा अनुगमन गर्न नसक्दा काला बजारीयाहरु मौलाउने गरेका गुनासोहरु आउने गरेका छन् । जिल्लाको प्रमुख व्यापारीक केन्द्रमा मात्रै आक्कल झुक्कल अनुगमन गर्दा महंगि खासै नियन्त्रण हुन सकेको छैन । बिशेष गरेर चाडपर्व नजिकदै गर्दा बजारमा कृतिम अभाव सृजना गरेर लुट मच्चाउने कार्य मात्रै नभएर मिसावट गर्ने कार्यले समेत तिव्रता पाएको गुनासो छ । नापतौलमा मर्काउने, गुणस्तर हिन सामाग्री मिसावट गर्ने, मनलाग्दि ढंगबाट मुल्य निर्धारण गर्ने, नक्कलि विलको प्रयोग गर्ने, गुणस्तरहिन सामाग्रीलाई गुणस्तर युक्त सामाग्रीको ट्याग लगाउने जस्ता कार्यहरु गरेर उपभोत्ताहरुलाई ठग्ने कार्य भएको छ ।
वजार अनुगमन गर्दा जिल्लाको हरेक व्यापारीक केन्द्रहरुमा गर्न जरुरी रहन्छ । प्रमुख व्यापारीक केन्द्रको रुपमा रहेको बनेपा बजार, पनौती बजारमा मात्रै अनुगमन गर्दा खासै प्रभावकारी हुन सक्दैन । जिल्लामा रहेको अरनिको राजमार्ग वि.पि राजमार्गको आसपासमा रहेका स—साना व्यवसायीहरु सम्म अनुगमन गर्न जरुरी छ । राजमार्गका छेउछाउमा संञ्चालन भएको व्यवसायीहरुले उपभोक्ताहरुलाई दिने सेवा सुबिधा, गुणस्तरको साथै मुल्यको बारेमा अनुगमन गर्न जरुरी रहन्छ ।
दोलालघाट बजारमा स्थानिय लोकल माछा भनि बिक्रि गर्ने माछा, मिठाई पसलहरुमा बिक्रि गर्ने मिठाईहरुमा हुनुपर्ने गुणस्तरता, दुध डेरीहरुमा बिक्रि गर्दै गरेको दुध साथै दुधजन्य परिकारहरुमा प्रयोग हुने केमिकलहरुको बारेमा अनुगमन गर्न जरुरी रहन्छ । त्यसैगरी अनुगमनको क्रममा डाक्टरसहितको टोलि साथमा लिएर मेडिकलहरुमा समेत अनुगमन गर्न जरुरी रहन्छ । मेडिकल संञ्चालकहरुले आफुहरुले पाएको अनुमती अनुसारको सामाग्री विक्रि वितरण गरे नगरेको साथै मुल्यसुचि बडापत्र राखे नराखेको अनुगमन गर्न जरुरी रहन्छ ।
बजार अनुगमन गर्ने क्रममा विगतमा मात्रै किराना पसलहरुलाई मात्रै प्राथमिकता दिने गरीने चलन रहेको छ । तर अनुगमन गर्दा सवै क्षेत्रलाई समेट्न जरुरी रहन्छ । पेट्रोलिएम व्यवसाय देखि वजारमा रहेको हर प्रकारको व्यवसायमा अनुगमन गर्दै उपभोक्तालाई राहत दिन जरुरी रहन्छ । पछिल्लो समयमा होटल व्यवसायहरुले मनोपलि ढंगबाट आफुखुसि असुल्ने गरेको धेरै जनगुनासाहरु आएका छन् । त्यस्ता स्थानहरुमा माुल्य सुची राखिएको या नराखिएको निरिक्षण गर्न उत्तिकै जरुरी रहन्छ । अनुगमन गर्दा बिषयगत बिशेज्ञ सहितको टोलिले समय समयमा अनुगमन गर्न जरुरी रहन्छ । अनुगमन गर्नु एक दिन अगाडीनै अनुगमन टोलि आउंदै छ भन्ने जानकारी गराएर गरिएको अनुगमनको कुनै अर्थ रहन्न, त्यस्तो अनुगमन देखावटी मात्रै हो ।