रगतको अभाव पूर्ति गर्दै लायन्स क्लब

काभ्रे । “सर्भिस फर अ स्माइल” को नारालाई मूर्त रुप दिने अभियानका साथ नागरिकबीच सिर्जना भएको रगत अभावलाई केही मात्रामा न्यूनिकरण गर्ने उद्देश्यका साथ लायन्स क्लबले रक्तदान कार्यक्रम गरेर समाजमा आफ्नो छुट्टै पहिचान दिन सफल भएको नेरेसो काभ्रेका संयोजक नारायण ढुंगानाले सोमबार बनेपामा आयोजित रक्तदान कार्यक्रमलाई सम्बोधन गर्ने क्रममा बताउनुभएको छ ।
समाजमा रगतका बारेमा जुन किसिमको हाउगुजी छ, त्यसलाई चिर्दै प्रत्येक नागरिकलाई रक्तदान गर्ने दायित्व हाम्रो हो भन्ने भावना जागृत गराउन सकियो भने रगत बिना केसैको पनि ज्यान नजाने संयोजक ढुंगानाको दाबी छ । त्यसैले आज लायन्स क्लबहरुको प्रयासमा जुन कार्य भएको छ, त्यसको बारेमा जति नै चर्चा गरेपनि अपुग रहने संयोजक ढुंगानाको दाबी थियो ।
सोही कार्यक्रममा जोन चियर पर्सन लायन प्रकाश श्रेष्ठले लायन्स क्लबका बारेमा समाजलाई सुसूचित गराउने र दायित्व बहन गर्नका लागि प्रेरित गर्ने एउटा माध्यम यस्ता खालका सामाजिक कार्यहरु पनि रहेको बताउनुहुँदै खेर जाने रगतबाट कसैको ज्यान बच्छ भने किन त्यो रगत प्रयोग नगर्ने ? भन्दै प्रत्येक लायन्सहरुले रक्तदानलाई महत्वपूर्ण पाटोको रुपमा लिन जरुरी छ ।
कुनै पनि उमेर पुगेका नागरिकहरुबाट रक्तदान गर्नुपर्छ भन्ने भावना विकास गर्नु नै लायन्सहरुको महत्वपूर्ण उद्देश्य रहेको स्मरण गराउनुहुँदै सर्भिस फर अ स्माइलको जुन नारा गर्भनरज्यूले अगाडि सार्नुभएको छ, त्यसलाई सार्थक रुपमा पूरा गर्नु हामी लायन्स अभियान्ताहरुको दायित्व रहेको पनि लायन श्रेष्ठले कार्यक्रममा खुलासा गर्नुभएको थियो ।