राजनीतिक संस्कारभित्र बसौं

आसन्न निर्वाचनलाई लिएर राजनीतिक पार्टीबिचमा शक्ति ध्रुवीकरण हुने क्रम बढेको छ । यो निर्वाचन प्रक्रिया अन्तर्गत सुहाउँदो विषय भने पक्कै होइन । अहिले जुन किसिमको चहलपहल बढ्दै गएको छ, त्यसलाई स्वस्थ रुपमा अगाडि बढाउन सकियो भने राजनीतिक संस्कार जीवन्त रहने चर्चा बजारमा चलिरहेका छन् ।
चर्चाका पछाडि दोबाटो, चौबाटो, चोकचोकबाट उठेका जिज्ञासाहरुलाई राजनीतिक कुशलताका साथ सम्बोधन गर्न सकियो भने राजनीतिक स्थायित्वका लागि टाढा जानु नपर्ने विश्लेषकहरुको दाबी छ तर एकाएक राजनीतिक माहोल तातेको छ । त्यो तरंगित राजनीतिक माहोललाई कुशल नेतृत्वले सहज रुपमा अवतरण गराउन सकियो भने त्यो नै राजनीतिक जगको एउटा पाटोको रुपमा लिन सकिन्छ ।
बहुलवादका खातिर सिर्जना भएका उत्श्रृंखल गतिविधिलाई राजनीतिक पार्टीहरुले बेलैमा सम्बोधन गर्नुपर्छ । चुनावको मुखमा हुने पार्टी परिवर्तन जस्ता अवैधानिक संस्कारहरुलाई निरुत्साहित गर्नु प्रत्येक राजनीतिक पार्टीको दायित्व पनि हो । साँच्चै राजनीतिलाई उत्तम नीतिको रुपमा स्थापित गर्ने हो भने यस्तो किसिमका तडकभडकलाई प्रशय दिनुहुने छैन । त्यसैले पनि राजनीतिक पार्टीप्रति हाम्रो आग्रह छ, यस किसिमका तडकभडकलाई निरुत्साहित गर्दै जान आग्रह गर्दछौं ।
अन्यथा राजनीतिमाथि लाग्दै आएको अविचलन सम्बन्धी शब्दहरुले राजनीतिकलाई नराम्रोसँग धकेलेको छ । यस पटकको निर्वाचनले राजनीतिमाथि लागेको तुच्छ आरोप सदाको लागि मेटाउन सकोस् भन्ने कामना हामीले लिएका छौं । आशा छ, लामो राजनीतिक इतिहास बोकेका राजनीतिक शक्तिहरुले परम्परावादी सोचबाट माथि उठ्नेछन् र मतदातालाई हामी पो भ्रममा रहेछौं भन्ने सन्देश आ–आफ्नो स्थानबाट पु¥याउनेछन् भन्ने विश्वासका साथ राजनीतिक साधुवाद अर्पण गर्दछौं ।