कनिका छराई ढंगको बजेट नवनाऊ

निकै चटारोका साथ असार १० गतेको सिमालाई मध्यनजर राख्दै स्थानिय तहमा बजेट ल्याउने कार्य भएको छ । बजेट सार्वजनिक गरेसंगै बाँडफाँडको तयारीमा जुटेका छन् स्थानिय सरकार । ०७९÷०८० को लागि अनुमानित आय व्यय सार्वजनिक गरेको छ । कतिपय स्थानिय तहमा निकै ठुलो रस्साकस्सिका साथमा वजेट विनियोजन गरेको छ । तरपनि सर्वसाधारण जनताको चित्त बुझ्दो ढंगको वजेट नभइ निर्वाचित जनप्रतीनिधिहरुको इक्छा अनुसार वजेट जारी भएको छ । वजेट सार्वजनिक गर्दै गर्दा स्थानिय तहहरुले आफ्नो क्षमता भन्दा बढी वजेट तयार गरेका छन् , जुन घाटा बजेट हो । घटा बजेट बनाएर कनिका छराई ढंगको बजेट निर्माण गर्नुलाई जनताले नकारात्मक ढंगले नजर लगाएका छन् । दिर्घकालिन ढंगको विकास निर्माण कार्यमा वजेट विनियोजन तिर ध्यान दिनुको वदला तात्कालिन ढंगको कनिका छराई तरिकाले विकास निर्माण गर्दा समस्या परेको छ ।
स्थानिय तहहरुले जारी गरेको वजेट, नीति तथा कार्यक्रमको बिषयमा छलफल गरी बिषयगत शिर्षकमा बजेट विनियोजन गर्दै पारित गर्ने तयारीमा रहेको छ । स्थानिय तहमा निर्वाचित जनप्रतीनिधिहरुले व्यक्तिगत तरिकाले आफुुखुसि बजेट विनियोजन गर्ने तौर तरिका वा विचारको आधारमा बजेट निर्धारण गर्न खोज्नु सान्दर्भिक रहन्न । विगत बर्षहरुमा स्थानिय तहबाट भएगरेका विकास निर्माणका कर्यहरु दिर्घकालिन ढंगको भएको पाइन्न । वजेट विनियोजन गर्दै गर्दा दलगत स्वर्थ तथा चाप्लुसिको भरमा वजेट विनियोजन गर्दा दुरुपयोग हुने गरेको धेरै उदाहरणहरु रहेका छन् । अति आवश्यकिय स्थानमा बजेट विनियोजन नहुनु र अनावस्यक स्थानमा वजेट विनियोजन गर्दा वजेटको दुरुपयोग भएको बिषयमा केन्द्रित रहंदै विनियोजन गर्न जरुरी छ ।
निर्वाचित जनप्रतीनिधिहरुले आफुलाई मत धेरै आएको क्षेत्रमा धेरै वजेट विनियोजन गर्न खोज्नु निश्पक्षा रहन्न । अनावश्यक स्थानमा बजेट विनियोजन गरी निर्माण भएको संरचनाहरु प्रयोग विहिन हुंदै गरेको अवस्थालाई स्थानियहरुले नियाली रहेका छन् । स्थानिय तहको जारी गरेको वजेटबाट सम्पन्न विकास निर्माण कार्य कति गुणस्तरीय साथै टिकाउको बिषयमा जनताहरुको ध्यान जानु स्वभाबिकै हो । एउटै क्षेत्रमा प्रत्तेक बर्ष एकै प्रकारको बिकास निर्माणमा निरन्तर रुपमा वजेट विनियोजन गरी रहनुलाई जनताले नियाली रहेका छन् । बिषेश गरेर धुले सडकहरुमा ग्रावेल छर्ने काममा विनियोजित बजेटबाट सडकहरुको स्तर उन्निति हुन सकेको छैन । विगतमा विकास निर्माणको लागि विनियोजित वजेटबाट जनताले के—कस्ता सुविधा पाए वा पाएनन् कुनकुन शिर्षकमा बिनियोजित बजेट सदुपयोग भयो र कुनकुन शिर्षकमा जारी गरेको दुरुपयोग भयो भन्ने बिषयमा मध्यनजर गर्दै वजेट विनियोजन गर्न जरुरी रहन्छ ।