डेंगु परिक्षण शुल्कमा एकरुपता कायम गर

डेंगु रोगको साथमा कोरोना संक्रमणको अवस्था पनि उकालो लाग्दैछ । जसको कारण चौतर्फिरुपमा विरामीको संख्या दिनपर दिन बढेदैछ । मुलुकमा स्वास्थ्य क्षत्रमा जटिल अवस्था आउंदै गर्दा सरकारको खासै ध्यान पुग्न सकेको अवस्था छैन । रोगको संक्रमण फैलिएको अवस्थामा स्वास्थ्संग सम्बन्धित ब्यापारीहरुले ब्रम्हलुट मच्चाएका छन् । डेंगु रोग फैलिएको अवस्थामा रोग नियन्त्रणको लागि दिर्घकालिन उपाए अपनाउने सोचमा देखिन्न सम्बन्धित निकाय । नियन्त्रणको लागि खासै चासो नदिएपनि संक्रमित रोगिहरुका लागि उपचार गर्नुपर्दा एकरुपता कायम गर्नुपर्ने बिषयमा समेत मौन छ समबन्धित निकाय । जटिल अवस्थाको मौका छोप्दै उपचारको नाउमा मनोपोली ढंगले स्वास्थ्य क्षेत्र अगाडि बढ्दा एकरुपता कायम गर्ने सरकारको निर्णय केलव कागजमा मात्रै सिमित भएको छ ।
हिन्दुहरुको चाडपर्व नजिकंदो छ , चाडपर्वको सकिनासाथ निर्वाचनको माहोल ह्वात्तै तात्छ । यस्तो परिस्थितिमा जमघट कम हुने संभावना रहन्न । ब्यापारिक केन्द्र, शहर वजार, मठमन्दिर साथै सार्वजनिक यातायातमा समेत मानिसहरुको जमघट रामै्र हुन्छ । दशैं, तिहार लगतै निर्वाचन यस्तो अवस्थामा मानिसहरुको जमघट कम हुने संभावनै रहन्न । जसका कारण कोरोना संक्रमण बढ्न सक्ने संभावना रहन्छ । यस्तो अवस्थामा स्वास्थ्य मापदण्डको बिषयमा चासो नदिदा स्वास्थ्य संकट निम्तन सक्ने प्रवल संभावना रहन्छ । सम्बन्धित निकाएले सामाजिक दुरी कायम गर्ने साथै स्वास्थ्य मापदण्ड कायम गर्ने बिषयमा चासो दिन नसकेपनि उपचारमा लाग्ने खर्चमा एकरुपता कायम गर्न जरुरी रहन्छ ।
स्वास्थ्य तथा जनसंख्या मन्त्रालयले एकरुपताको लागि गरेको निर्णय कार्यान्वयन नहुंदा सर्वसाधारण जनता मारमा परेका छन् । एकरुपता ढंगको शुल्क निर्धारण गर्ने निकाय स्वास्थ्य मन्त्रालयका पदाधिकारीबीच समन्वय हुन नसक्दा निर्णय कार्यान्वयन हुन नसकेको हो । सरकारले गरेको सनर्णय लागु हुन नसकेको अवस्थामा स्थानिय तह समेत मौन रहेको छ । स्थानिय तहले आफ्नो जनताहरुको सुरक्षा गर्ने बिषयमा समेत चासो देखाएको पाइन्न । केन्द्रिय सरकारले केही गर्न नसकेको अवस्थामा स्थानिय तहमा भएको समस्या समाधानको लागि पहल गरेमा केही मात्रामा समस्था समाधान हुन्छ । मानिसहरुको जमघट हुने समय भएकोले कोरोना फैलन नदिनको लागि स्वास्थ्य मापदण्ड लाई अनिवार्य गर्दै सामाजिक दुरी कायम गराउन जरुरी छ । त्यसैगरी डेंगु रोगको उपचारको लागि शुल्कमा एकरुपता कायम गर्ने वातावरणको लागि स्थानिय तहले पहल गर्नुपर्ने हाम्रो निचोड छ ।