चोरीको बिगबिगीले चाड खल्लो नहोस्

हिन्दुहरुको महान पर्वको रुपमा मनाईने दशै, तिहार तथा छड नजिकंदै छ । पर्वहरु नजिकंदै गर्दा सर्वसाधारण जनताहरु पर्व मनाउने तयारीमा जुटेका छन् । व्यापारीक केन्द्रहरु, सार्वजनिक यातायात लगाएतका स्थानहरुमा मानिसहरुको भिडभाड बढ्दै गर्दा चोरी तथा पकेटमाराहरु सलबलाउन थालेका छन् । सार्वजनिक यातायात तथा भिडभाड हुने स्थानहरुमा पकेटमाराहरुले निकै दुख दिनथालेका छन् । चोरीको उत्तिकै विग्विगि बढ्दै छ , दिन दहाडै मानिस नभएको मौका छोप्दै घरभित्र पस्ने र चोरी गर्ने कार्य विगतमा पनि नभएको हैन । प्रहरीको सक्रियतामा ठुला ठुला दुर्घटनाहरु हुन नपाएपनि सामान्यतया दुर्घटनाहरु भएका थिए ।
यो बर्षपनि चोरीको विग्विगि सुरु हुँदै गर्दा प्रहरीहरुले पनि चनाखो अपनाउदै संभाव्यत घटनाहुने स्थानहरुको वारेमा चनाखोपुर्ण ढंगले अगाडी बढेको छ । सार्वजनिक स्थानमा साथै यातायातहरुमा हुन सक्ने चोरीका वारेमा मध्यनजर राख्दै प्रहरीले सकृयता वढाएको छ । पाँचखाल क्षेत्रमा एकै रातमा ११ स्थानमा चोरीका प्रयासहरु भएको खवर सार्वजनिक भएसंगै सो क्षेत्रमा थप प्रहरी परिचालन भएको जानकारी प्राप्त भएको छ । काभे्रको व्यापारिक केन्द्र बनेपामा पनि चोरीको घटनाहरु फाट्टफुट्ट सुरुभएको सुन्न आएको छ ।
विगतलाई मध्यनजर राख्दा पर्वको सुरुवातीमा चोरीमा संलग्न रहनेहरुले सहकारी, बैक, पसलहरुलाई लक्षीत गरी क्षति पु¥याउने गरेको पाईन्छ । कतिपय सहकारी तथा बैंकहरुबाट सेफ समेत चोरी हुनेगरेको थियो । सोही बिषयलाई मध्यनजर राख्दै प्रहरीले आफ्नो कार्यलाई सुक्ष्म ढंगबाट अगाडि बढाएको छ ।
रातिको समयमा राजमार्गहरुमा सञ्चालन हुने सवारी साधनलाई लक्षीत गर्दै गैर कानुनि ढंगको कार्य गर्दै यात्रुहरुलाइ समस्यामा पार्दै लुट मच्चाउने कार्य समेत हुने खतरा बड्दै छ । जिल्लामा रहेको वि.पि राजमार्ग तथा अरनिको राजमार्गमा रातिको समयमा संञ्चालन हुने सवारी साधनहरुमा लुटपात हुन सक्ने खतरालाई मध्यनजर राख्दै सो सडकहरुमा पैदल ग्रस्ति साथै सवारी साधन मार्फत प्रहरी ग्रस्ति गर्न जरुरी रहन्छ ।