कविता

युवराज खतिवडा
बुद्धशान्ति–३, बुधबारे झापा

केही स्यालहरू, केही ब्वाँसाहरू
केही सिंहहरू, केही बाघहरू
केही सापहरू, केही गिद्धहरू
केही चीलहरू, केही बाजहरू

एकलट शिकार गरेर
फेरि अर्कोलट शिकारका निम्ति उद्धत भएर
अघि बढ्दै छन् अग्रगमनको मुद्धा लिई
एक हूल भएर एकभारी दाह्रा लुकाएर
भर्खर भर्खरै एउटै गुफामा बस्ने उद्घोष गरेसँगै
कहिल्यै नछुट्टिने लिखित मञ्जुरीनामा पनि देखाइरहेका छन् ।

फेरि एकलट चराहरू
फेरि गाईभैंसी भेडा बाख्राहरू
खुशीले गद्गद भएर मनको लड्डु घिउसँग खाइरहेछन्
बलीको बोको जसरी
हेर त बिचराहरू क्या मुस्कुराइ रहेछन् ।