राजनीतिमा असम्भव भन्ने केही हुँदैनः नेता महर्जन

काभ्रे । विशेष रुपान्तरण अभियान अन्तर्गत पनौती नगरको खोपासी आइपुगेका नेकपा माओवादी केन्द्रका केन्द्रीय सदस्य एवं पनौती नगर इन्चार्ज दिनेश महर्जन “दिपेश” ले राजनीतिमा असम्भव भन्ने केही नभएको खुलासा गर्नुभएको छ ।
१० वर्षे जनयुद्ध र ०६२/०६३ को जनआन्दोलनले राजा हटाउँछ भन्ने कल्पना कसैले गरेको थियो ? तर राजनीतिमा के हुन्छ, के हुँदैन भन्ने कुरा निक्र्याैल हुँदैन । त्यसैले केही मत्थर हुँदैमा राजनीति नै सिध्यो भन्ने मानसिकता हटाउन आवश्यक रहेको बताउनुभएको छ । उद्देश्य एउटै लिएर हिँड्नुपर्छ, हामी जित्छौं । जसको परिणाम राजतन्त्रको अन्त्य भयो, जन गणतन्त्रको उदय भयो । जसले शोषित, पिडित जनताका पक्षमा केही न केही मलमपट्टि लगाउने कार्य ग¥यो । ति सीमित अधिकारहरु संरक्षण गर्नका लागि पनि हामी फेरि एकताबद्ध हुन आवश्यक छ ।

अहिले हामी हाम्रा पार्टी अध्यक्ष प्रचण्डजीको विशेष पहलमा बस्ती–बस्ती आएका छौं । जुन अभियानसहित जन–जनमा आएका छौं, त्यो अभियानलाई सार्थक तुल्याउनु हाम्रो दायित्व हो । केही त गरौं भन्ने मनबाटै भावनाको विकास गर्न जरुरी छ । यदि हामी त्यस किसिमबाट समर्पित भएर अगाडि गयौं भने असम्भव भन्ने केही छैन । हिजो के–के भए, ति सबै छोडिदिउँ । अब नयाँ रुपान्तरणसहित अगाडि बढौं । पार्टी निर्माणको सपना देखौं । प्रत्येक जनसम्म पुगेर पार्टीप्रतिका धारणाबारे छलफल चलाऔं । आएका समस्याहरुको समाधान त्यहीँ जनताबिचबाटै खोजौं, तबमात्र हामी एउटा कुशल संगठकको रुपमा स्थापित हुन सक्छौं भन्नुहुँदै नेता महर्जन थप्नुहुन्छ– पार्टी नेतृत्वले सरकारमा रहेर राम्रा काम गरिरहेको छ तर ति राम्रा कामहरु जनता समक्ष ल्याउन सकिरहेका छैनौं । किन त्यस्तो भइरहेको छ ? सूक्ष्म ढंगबाट समिक्षा गरौं र जनताका माझ सरकारले गरेका राम्रा कुराहरुलाई पु¥याउने प्रयत्न गरौं । तब मात्र हाम्रो अभियानले सार्थकता प्राप्त गर्नेछ ।
पार्टीले गौरवका साथ जनताका जीवनस्तरसँग जोडिएका समस्याहरुका बारेमा जुन अठोट गरेको छ, त्यसका बारेमा गम्भीरतापूर्वक बहस गरौं । बस्तीबाट आएका तमाम जिज्ञासाहरु सम्बोधन गर्दै जनताले जनताका लागि उठाएका मुद्धाहरुको समाधानतर्फ केन्द्रिकृत हुँदै संगठन निर्माणमा सरिक हौं । यो दौरानमा हामीले के ग¥यौं भनेर आत्मसमीक्षा गरौं । मैले कति योगदान दिएँ, म कहाँ चुकें, मेरो के कमजोरी भयो यावत् पक्षमा आत्म आलोचना गर्दै अगाडि बढ्न सक्यौं भने मरुभूमि पनि हराभरा बनाउन सक्छौं । त्यसै दृढ संकल्पका साथ संगठन निर्माणमा सरिक बनौं । त्यति गर्न सक्यौं भने हामीले हिजो गुमाएका धेरै कुराहरु छन्, त्यसको फेरि पनि अपनत्व ग्रहण गर्दै समाजवादको यात्रामा अगाडि जानको लागि यो अभियान कोसेढुंगा सावित हुनेछ ।
यति गर्न सकियो भने हामीले हाम्रो संस्कार भुलेकोमा क्षमा पाउनेछौं । जसका लागि तपाईं हामीमा इच्छाशक्तिको अन्त्य हुनेछ र समस्या समाधानतर्फ अग्रसर बन्नेछौं भन्नुभएको छ ।