सामाजिक सञ्जालबाट हुने गरेको ठगीको अन्त्य गर

पछिल्लो समयमा आएर समाजिक सञ्जाल प्रयोग गर्दै अनलाईन व्यापार साथै विभिन्न प्रलोभनहरु देखाउदै ठगी गर्नेको लर्को लागेको छ । मोबाइलमा एक क्लिक ग¥यो, चाहेको सामान आफूले उपलब्ध गराएको ठाउँमै आइपुग्छ । प्रविधि मानिसको सहजताको लागि हो । तर, यही सहजताको नाउमा व्यापक मात्रामा ठगि हुनेगरेको धेरै उदाहरणहरु रहेका छन् । यस्तो खालको ठगिबाट बिशेष गरेर युवाहरु मारपर्ने गरेका छन् । युवा मात्रै नगएर प्रौडहरु समेत चोखा छैनन् । अनलाईनमा सामान अर्डर गर्दा केही रकम अग्रिम रुपमा मागेर पचाउने गरेका धेरै उदाहरणहरु छरप्रष्टै हुँदा पनि सम्बन्धित निकायले कानुनी कारवाहीको दायरा वढाउन नसक्नु ठगि धन्दामा पल्केकाहरुलाई हौसला हुनु हो ।
पछिल्लो समयमात भाडाको सस्तो र राम्रो फ्ल्याट खोजिदिने बाहानामा पनि ठगी गर्ने गरेका छन् । थोरै थोरै गरेर धेरै जनासँग धेरै ठग्छन् तर ठगिमा पर्नेहरुले ठगीको उजुरी लिएर साइबर ब्यूरोमा जाँदा एक हजार रुपैयाँका लागि आफ्नो काम गर्ने समय र त्यो भन्दा बढी रकम खर्चनुपर्छ । त्यसैलेपनी सामान्य रकमको लागि उजुरीलाई प्राथमिकता नदिँदा ठगी धन्दामा जुट्नेहरुलाई थप हौसला मिल्ने छ । अधिकांश मानिसहरू यस्तै–यस्तै बहानामा ठगीमा पर्ने क्रम बढिरहेको छ । यस्तो कार्यमा संलग्न भएकाको विवरण सार्वजनिक गर्ने क्रममा नेपाल राष्ट्र बैंकको वित्तीय जानकारी इकाइले १८ देखि २४ वर्ष युवा समूहका विद्यार्थी सङ्लग्न रहेको छन् ।
उपहार र पार्सल, सामाजिक सञ्जालको गलत प्रयोग, नक्कली अनलाइन, वन टाइम पासवर्ड र चिट्ठालगायत माध्यमबाट ठगी गर्नेगरेको पाइन्छ । सामाजिक सञ्जालमार्फत गोप्य विवरण सार्वजनिक गरिदिने डर देखाएर तथा आइफोन उपहार दिने लोभ देखाएर ठगी गर्ने गरेका छन् । यस्तो खालको ठगीको धन्दा सबैभन्दा बढी बागमती प्रदेशमा हुने गरेको पाईएको छ । सामाजिक सञ्जालमा सरकारी कार्यालयको लोगोसमेत प्रयोग गरेर रोजगारीका लागि आह्वान गरिएको प्रशस्त विज्ञापन भेटिइन्छन् । त्यस्ता विज्ञापनमा रोजगारी गर्न पढाइ र अनुभव पनि नचाहिने भन्दै प्रलोभनमा पार्ने गरेका छन् । ‘पढेलेखेका अत्यन्त सचेत मानिसहरू ठगीमा परिरहेका छन् । इन्टरनेटको माध्यमबाट अहिले ठगी गर्न झनै सजिलोसंग वडिरहेको छ ।’ चिठ्ठा, गेम र अनलाइन जुवाजस्ता माध्यमबाट समेत ठगी हुने गरेको छ । यस्ता खाले कुकर्मलाई तत्काल अन्त्यको लागि पहल गरिएन भने जटिल अवस्था आउन सक्छ ।