गुणस्तरीय शिक्षाका लागि एक पटक भ्रमण गर्नै गन्तव्य एबिएम

काठमाडौं/ संस्थापक बिधालयहरुको भिडमा आफ्नो छुट्टै पहिचान दिन सफल बिधालयका रुपमा स्थापित एबिएम स्कुलले बिधालय स्तरीय बिबिध सांस्कृतिक सहित दिक्ष्यान्त कार्यक्रम सम्पन्न गरेको छ । काभ्रेको बनेपा नगरपालिका वडा नम्बर ११ मा रहेको आदर्श विद्या मन्दिर (एबिएम स्कुल) मा कक्षा युकेजीमा अध्ययनरत ६२ जना विद्यार्थी दीक्षित भएका छन् ।

सोमबार विद्यालयमा आयोजित एक कार्यक्रमका बीच उनीहरुलाई दीक्षित गरिएको हो । तेजगंगा क्याम्पसका प्रमुख अम्बुभवानी कार्की प्रमुख अतिथी रहनुभएको कार्यक्रम रामकृष्ण आचार्यको सभापतित्वमा सम्पन्न भएको थियो । विद्यार्थीहरुलाई दीक्षित गर्दै प्रमुख अतिथी कार्कीले आदर्श विद्या मन्दिरले शिक्षा क्षेत्रमा पुर्याएको योगदानको चर्चा गर्दै दीक्षित विद्यार्थीहरुलाई आगामी दिनमा थप प्रगतिको शुभकामना व्यक्त गर्नुभयो । कार्यक्रममा उपस्थितहरुलाई सहायक प्रधानाध्यापक ललिता बञ्जाराले स्वागत गर्दै सबैको सहयोगले विद्यालय अघि बढीरहेको र आगामी दिनमा पनि सहयोगको अपेक्षा गर्नुभयो ।

विद्यालयका संस्थापक प्रिन्सिपल रामप्रसाद तिमल्सिनाले विद्यालयको प्रगति विवरण प्रस्तुत गर्दै आगामी दिनमा विद्यालयले गर्ने कामहरुको योजनाका बारेमा जानकारी दिनुभयो । उहाँले विद्यार्थीका लागि किताबी ज्ञानले मात्र नभइ अन्य सीपमुलक र व्यवहारिक ज्ञान पनि उतिकै महत्वपूर्ण रहेकाले यस्ता कार्यक्रम गरिएको र आगामी दिनमा पनि निरन्तर रहने बताउनुभयो । ०८० सालदेखि विद्यालयले विद्यार्थीहरुलाई दीक्षितको कार्यक्रम शुरु गरिएको उहाँको भनाइ थियो । उहाँले दिनुभएको जानकारी अनुसार हाल विद्यालयमा १ हजार १२५ विद्यार्थी अध्ययनरत छन् भने यो वर्षको एसइइमा २५ जनाले सहभागीता जनाएका छन् ।

आदर्श विद्या मन्दिर –एबिएम स्कुल) बनेपाले काभ्रे जिल्लामै पहिलो पटक आईएसओ प्रमाणपत्र पाउने विद्यालयको रुपमा आफूलाई चिनाएको छ । जिल्लामै कानुन संकायको पढाइ हुने एक मात्र कलेज एबिएममा अहिले सातौं वर्षका विद्यार्थी अध्ययन गरिरहेका छन् । यो विद्यालयले जिल्लामा निजीतर्फका धेरै विद्यालयको तुलनामा आफूलाई अब्बल र सक्षम बनाउँदै लगेको छ । विसं २०६१ सालमा स्थापना भएको आदर्श विद्या मन्दिरले ०६८ सालदेखि एसएलसीमा सहभागिता जनाएको हो । त्यसयता एसएलसी र एसइइमा उत्कृष्ट नतिजा ल्याउन विद्यालय सफल भएको छ । विगत ९ वर्षयता यहाँ कक्षा ११ र १२ मा पढाई शुरु भएको संस्थापक प्रिन्सिपल रामप्रसाद तिमल्सिनाले बताउनुभयो ।

आफ्ना नानीबाबुहरुलाई असल नागरिक बनाउने एउटा भरपर्दो गन्तव्य हुन सक्ने यस विद्यालयमा आएर भर्ना गराउन उहाँले सम्पूर्ण अभिभावकहरुलाई अनुरोध गर्नुभएको छ । गत वर्षको एसइइमा यहाँबाट ३१ जना विद्यार्थी सहभागी भएकोमा सबैलाई उत्कृष्ट नतिजासहित उत्तीर्ण गराउन विद्यालय सफल भएको थियो । यहाँ कक्षा १२ को नतिजा पनि उत्कृष्ट नै रहेको पाइएको छ । एबिएम बनेपाको मात्र नभएर काभ्रे जिल्लाकै एक भरपर्दो शैक्षिक गन्तव्य भएकोमा कुनै शंका छैन ।