दक्षिण चीन सागरमा डुबेको भियतनामी जहाजबाट ४८ जनाको उद्धार, बेपत्ताको खोजी जारी

काठमाडौं, दक्षिण चीन सागरमा डुबेको भियतनामी झण्डावाहक जहाज खोई गुयेन–१८ बाट ४८ जना भियतनामी नागरिकको सकुशल उद्धार गरिएको छ। उद्धार गरिएका सबैजना हाल आफ्ना घर फर्किरहेको भियतनामको सरकारी सञ्चारमाध्यम भ्वाइस अफ भियतनाम ले विदेश मन्त्रालयलाई उद्धृत गर्दै जनाएको छ।

भियतनामी विदेश मन्त्रालयको नागरिक सुरक्षा सम्बन्धी अद्यावधिक विवरणअनुसार सोमबारसम्म खोज तथा उद्धार अभियानबाट कुल ४८ जनाको उद्धार गरिएको हो।

मन्त्रालयका अनुसार उद्धार गरिएका जीवित यात्रुलाई चिनियाँ पक्षले उद्धार गरी आवश्यक चिकित्सा उपचारसमेत उपलब्ध गराएको छ।

यसैबीच, बेपत्ता रहेका अन्य व्यक्तिको खोजी कार्य भियतनामी अधिकारीहरूले निरन्तर जारी राखेका छन्।

६२ जना यात्रु बोकेको भियतनामी झण्डावाहक जहाज खोई गुयेन–१८ दक्षिण चीन सागरस्थित नान्सा टापु समूहको योङ्सु रिफ नजिक प्रतिकूल मौसमका कारण डुबेको जनाइएको छ।