कैलालीमा भन्सार छलीका सामानसहित पिकअप जिप बरामद, चालक पक्राउ

कैलाली / कैलालीमा प्रहरीले भारतबाट भन्सार छली गरी ल्याइएका सामानसहित पिकअप जिप बरामद गरेको छ भने चालकलाई पक्राउ गरेको छ।

मंगलबार साँझ धनगढी उपमहानगरपालिका–१ स्थित एलएन चोकमा चेकजाँच गर्ने क्रममा गोदावरी नगरपालिका–६ का ३३ वर्षीय सुरेश चौधरीले चलाएको सुदूरपश्चिम प्रदेश ०१–००१ च ३०२३ नम्बरको पिकअप जिपबाट सुर्ती तथा किराना सामान बरामद गरिएको प्रहरीले जनाएको छ।

प्रहरीका अनुसार बरामद सामान र पिकअप जिपको कुल अनुमानित मूल्य ९ लाख ६८ हजार ७६९ रुपैयाँ रहेको छ। घटनाबारे थप अनुसन्धान भइरहेको छ।