एकिकृत खानेपानीको निर्माण सम्झौता सकियो

बनेपा ÷ काभ्रे उपत्यका एकीकृत खानेपानी आयोजनाको निर्माण कार्यको लागि ठेक्का सम्झौता गरिएको छ । बनेपा, धुलिखेल र पनौती नगरवासीलाई खानेपानी उपलव्ध गराउन संचालित खानेपानी आयोजनाको निर्माण कार्यको लागि पुस ४ गते सम्झौता गरिएको हो ।
६७ करोड ३३ लाख २६ हजार १ सय १० रुपैँया बरावरको निर्माण सम्झौतामा चिनीया निर्माण कम्पनी निड्डवो निड्डसिड्ड इन्टरनेशनल इड्ढ, चाइनाको तर्फबाट किरण बैद्य र आयोजनाको तर्फबाट काभ्रे उपत्यका एकीकृत खानेपानी आयोजनाका व्यवस्थापक कोषनाथ अधिकारी तथा बनेपा, धुलिखेल र पनौती न.पा. कार्यकारी अधिकृतहरु क्रमश सुरथ पोखरेल, गणेश नेपाली र सुदेव कुमार पोखरेलले हस्ताक्षर गरेका छन् । निर्माण कार्य यसै महिनादेखि हुने र दुई वर्षभित्र निर्माण सम्पन्न हुने आयोजनाका व्यवस्थापक अधिकारीले जानकारी दिए ।
खानेपानी योजना पूरा भएपछि धुलिखेलका २०६२ घरधुरी, पनौतीका ४१३३ घरधुरी र बनेपाका ३९४४ घरधुरीमा धारा बन्नेछन् । खानेपानीका लागि बोर्ड गठनपछि बनेपा, पनौती र धुलिखेलका साना खानेपानी योजनाहरु, खानेपानी संस्था लगायत पनि बोर्डकै मातहतमा आउनेछन् । धुलिखेल खानेपानी उपभोक्ता समितिलाई बोर्डमा ल्याउने नल्याउनेबारे भने अन्योलता छ । योजना अनुसार बनेपामा २४. ८ किलोमिटर, धुलिखेलमा ३७.३ किलोमिटर र पनौतीमा ९७. २ किलोमिटर पाइप लाइन विछ्याइने छन् ।
योजना पूरा भएपछि प्रति व्यक्तिले दिनको ८० लिटर पानी पाउनेछन् । एक तथ्यांक अनुसार, धुलिखेलका लागि प्रतिदिन १० लाख लिटर, बनेपामा २३ लाख लिटर र पनौतीमा २२ लाख लिटर दैनिक पानी आवश्यक छ तर तीनै नपामा पर्याप्त पानी छैन । तथ्यांक अनुसार, धुलिखेल खानेपानी उपभोक्ता समितिमार्फत २, ३, ४ र ५ वडामा खानेपानी सुविधा पुगेपनि अन्य वडामा धेरै समस्या छ । बनेपामा त दैनिक २३ लिटर प्रतिदिन पानी आवश्यक भएपनि ८ लाख, पनौतीमा २२ लाख लिटर चाहिएपनि १० लाख लिटर मात्र संस्थान र विभिन्न योजनामार्फत उपलब्ध हुँदै आएको छ । विशेष गरी बनेपा र पनौतीमा बढी खानेपानी समस्या छ ।
एशीयाली विकास बैड्ढको ८५ प्रतिशत ऋण सहयोगमा बन्ने आयोजनामा बाँकी १५ प्रतिशत तीन नगरपालिकाले बेहोर्नेछ ।