काभ्रे गोल्डकपको उपाधी सीमजीलाई

धुलिखेल-काभे्रको पहिचान कायम गर्ने उद्देश्यका साथ संचालन भएको प्रथम काभ्रे गोल्डकप सानदार ढंगबाट सम्पन्न भएको छ । चैत्र ७ गतेबाट शुरु भएको उक्त फूटबल प्रतियोगिताको शनिबार धुलिखेलमा सम्पन्न भएको छ ।

फाइनल खेलमा आयोजक काभ्रे जिल्ला फूटबल संघलाई ३–० गोलले पछि पार्दै उपाधी सीमजी क्लव संकटाले हात पारेको छ । खचाखच दर्शकहरुका उपस्थितिमा सम्पन्न खेल सुरुभएकोे ३० सेकेण्डमा सीएमजी क्लव संकटाको तर्फबाट पहिलो गोल गरेको थियो । त्यसैगरी दोस्रो गोल ३५ मिनेट ३५ सेकेण्डमा अर्को गोल थपी आफ्नो क्लवको अग्रतालाई निरन्तरता दिएपछि आयोजक पक्ष निरास भएकाथिए ।

आयोजक काभ्रे जिल्ला फूटबल संघका खेलाडीहरुले धेरै प्रयास गर्दापनि गोल गर्न नसकीरहेको अवस्थामा अन्तिममा थपेको समय ३ मिनेटको समयमा समेत सीएमजी क्वलव संकटाका तर्फबाटै गोल गरेर तीन गोल पारेका थिए । यसअघि सशस्त्र प्रहरीको एपीएफलाई पराजित गरी फाइनल प्रवेश गरेकाथिए । प्ले अफ अत्तेरिया स्पोर्टस क्लव कैलालीलाई हराउँदै फाइनलमा प्रवेश गरेको संकटा क्लवले काभ्रेली टिमलाई अन्ततः ३ गोल लगाउंदै आफुले अग्रता लियो ।

खेलमा प्रथमहुन सफल सीएमजी क्लव संकटाले ४ लाख नगद र ट्रफी हात लगाएको छ भने दोस्रो हुन सफल आयोजक पक्षले २ लाख नगद र ट्रफी हासिल गरेको छ । प्रतियोगिताको भ्यालुएवल प्लेयर संकटाका टम्पी अरनेष्ट घोषित भए भने मिडफिल्डर पनि सीएमजी क्लव संकटाकै सुवाश गुरुङ घोषित भएका छन् । त्यस्तै वेस्ट कोच पनि संकटा क्लवकै कल्याण खड्गी घोषित भएका थिए । त्यसैगरी म्यान अफ दि म्याच पनि संकटाकै अभिशेक रिजाल भएका छन् । उनले मास्टर म्यान अफ दि म्याचको नगद पुरस्कार ५ हजार रुपियाँ हात पारे । प्रतियोगिताको वेस्ट डिफेण्डर काभ्रेका सवीन खड्का भए भने हाइस्कोरर संकटाकै एक्मी क्रिस्चियान घोषित भए ।