पाँचखालको तरकारीमा बिषादिको अवशेष छैन- खरेल

आइ.आर.के.मैनाली
पाँचखाल-“पाँचखाल नगर कृषि शहर” भन्ने मुल उद्देश्यका साथमा अगाडी बढेको पाँचखाल नगरमा रहेका कृषकहरुलाई यान्त्रीक तरिकाले खेती गराउने उद्देश्यले ५० प्रतिशत अनुदानमा ट्याक्टर बितरण गरेको छ ।

पुरानो तरिकाले खेति गर्दा खर्च वढ्ने भएकोले खर्चलाई कमगर्दै समयको वचत गर्ने उद्देश्यले यान्त्रीक तरिकाले खेति गराउनको लागि पाँचखाल नगरपालिका वडा नं ९ का कृषकहरुलाई एक कार्यक्रमको आयोजना गरी ट्याक्टर बितरण गरेको छ ।

ट्याक्टर बितरण कार्यक्रमका प्रमुख अतिथि पाँचखाल नगरका प्रमुख (मेयर) महेश खरेलले कृषि नगरीको रुपमा अगाडी बढेको पाँचखाल नगरका कृषकहरुको हितको खातिर नगरले बिभिन्न खाले योजना अघि बढाएको वताउनु भयो । पाँचखालका कृषकहरुले उत्पादन गरेको ताजा तरकारीहरुको बजारीकरण साथै बिक्रि केन्द्रको व्यवस्थाको बारेमा नगरले योजना अगाडी बढाई सकेको बताउनु भयो । सिंचाईको अभावले गर्दा खेतिगर्न केही समस्या भएकोले सो को लागि तात्कालिन र दिर्घकालिन गरी दुई तरिकाले व्यवस्था मिलाउने तयारी गरेको बताउनु भयो । तात्कालिन समस्या समाधानको लागि स्थानिय स्तरमा रहेको खोलानालामा ड्याम बाँधि बर्षातको पानी संकलन गर्ने र सो संकलित पानी हिउंदमा सिंचाईमा परिणत गर्ने र दिर्घकालिन रुपमा सिंचाईको व्यवस्थागर्न इन्द्रावतिको पानी लिफ्ट गरी पाँचखाल ल्याउने बताउनु भयो ।

कार्यक्रममा नगर प्रमुख खरेलले भन्नुभयो पाँचखालमा उत्पादन भएको ताजा तरकारी तथा फलफुल बिषादी रहित ढंगको उत्पादन भएको छ । लामो समयदेखि पाँचखाल र आसपासको क्षेत्रमा वातावरण संरक्षणको लागि समेत कार्य गर्दै आएको लवग्रीन नेपालसंग नगरले समन्वय गरी आइ.पि.एम तरिकाले खेति गराउने कार्य भएको बताउनु भयो । नगरको बिभिन्न स्थानमा आइ.पि.एम पाठशाला संञ्चालन गर्दै कृषकहरुलाई सचेत गराएको बताउनु भयो । नेपालको बिभिन्न स्थानमा रहेको कृषिको पकेट क्षेत्रहरुमा बिषादी प्रयोगगरी गरेको खेतिमा उत्पादन घटेको तर खर्च बढेको र तरकारीहरुमा बिषादिको अवशेस समेत रहेको बताउनु भयो । त्यस्ता स्थानहरुलाई मध्य नजर राख्दै पाँचखालमा गरीने कुनैपनि प्रकारको खेतिमा बिषादी प्रयोगमा होसियारी अपनाउने वातावरणको निर्माणमा नगरले अग्रसरता गरेको बताउनु भयो । पाँचखालमा यान्त्रीक ढंगबाट खेती गराउन आवश्यक महसुस गर्दै नगरले आगामि बर्ष पुरै नगरलाई यान्त्रिक मय बनाउने लक्ष लिएको बताउनु भयो ।

ट्याक्टर वितरण कार्यक्रमका सभापति एवं पाँचखाल वडा नं ९ का वडा अध्यक्ष किरण श्रेष्ठले आफ्नो वडामा यान्त्रिक तरिकाले खेति गराउने तर्फ ध्यान दिदै कृषकहरुलाई ५० प्रतिशत अनुदानमा वितरण गरेको बताउनु भयो । उहाँले थप्नुभयो विगतको बर्षमा आफु आवद्ध सहकारीबाट २ थान ट्याक्टर वितरण गरी खेति गराउंदा निकै प्रभावकारी भएकोले हाल आएर वडाको तर्फबाट २७ वटा बितरण गरेको बताउनु भयो । पाँचखालमा रहेको सवै वडामा ३ लाख कृषिमा बजेट व्यवस्था गरेको तर वडा नं ९ मा ४ लाख बजेट व्यवस्था भएको र सो ४ लाखले नपुग हुंदा सिम्राडिमा मंन्दिर बनाउन छुट्याईएको १ लाख बजेटलाई समेत वडावासिहरुको सुझावको आधारमा कृषिमा लगानी गर्दै ५ लाख बजेटको व्यवस्था गरेको बताउनु भयो । बजारमा ५५ हजार पर्ने उक्त ट्याक्टर कंम्पनिसंग सिधै सम्पर्क राखि ३७ हजारमा वडा सम्म डेलिभरी गर्ने गरी उपलब्ध गराई ५० प्रतिशत अनुदानमा कृषकहरुसंग १८ हजार ५ सय लिई बितरण गरेको बताउनु भयो ।

वडा अध्यक्ष श्रेष्ठले भन्नुभयो वडाबाट धेरै माग भएपनि पहिलो चरणमा माग अनुसारको उपलब्ध गराउन नसकेको बताउनु भयो । भिरालो जमिनको लागि ७.५ हर्ष पावरको ट्याक्टर सजिलो हुने र समथर जग्गामा १८ हर्ष पावरको सहज हुने भएकोले वेसि भूभागको लागि आगामि बर्ष १८ हर्ष पावरको ट्याक्टर उपलब्ध गराउने तयारी गरेको बताउनु भयो । पाँचखाल नगरको वडा नं ९ धार्मिक दृष्टिकोणले परिचित वडा हो, आगामी समयमा कृषि र पर्यटनको रुपबाट परिचित गराउने कार्यमा जनप्रतिनिधि साथै वडावासिहरु अगाडी बढेको बताउनु भयो ।
कार्यक्रममा पाँचखाल कृषि शाखा प्रमुख इश्वर अधिकारीले पाँचखाल जहिले सम्म औजार उपकरणको माध्यमबाट खेति सुरु हुंदैन तव सम्म कृषकले खेतिबाट नाफा कमाउन नसक्ने बताउनु भयो । पाँचखालको वडा नं ९ बाट सुरुभएको कृषकलाई वितरण गरिने औजार नगरको सवै वडा सम्म पु¥याउनु पर्ने बताउनु भयो ।