गुणस्तरीय शिक्षाको लागि अन्तक्र्रिया, मेयरको पारिश्रमिक विद्यालयलाई

रोेशी-रोशी गाउंपालिका स्थित मंगलटारमा रहेको मंगल जन बिजय माध्यमिक बिद्यालयमा आधुनिक गुणस्तरीय शिक्षा प्रदान गर्ने बिषयमा सरोकारवालाहरुसंग र अभिभाबकसंग अन्तक्र्रिया तथा अनुशिक्षण कार्यक्रम गरेको छ ।

कार्यक्रमका प्रमुख अतिथि एवं रोशी गाउंपालिकाका प्रमुख (मेयर) डिबी लामाले आफ्नो गाउंपालिकामा गुणस्पतरीय शिक्षा प्रदान गर्ने बिषयमा पालिका अगाडी बढेको बताउनु भयो । उहाँले थप्नुभयो नीजि विद्यालयहरुको भन्दा समय सुहाउंदो गुणस्तरीय आधुनिक शिक्षा दिनको लागि पालिका निरन्तर रुपमा अगाडी बढेको बताउंदै आफुले पाउने एक महिनाको पारीश्रमिक विद्यालयलाई दिने घोषणा गर्नुभयो । प्रमुख लामाले आफुले पाउदै आएको पारिश्रमिक बिद्यालय साथै अन्य बिभिन्न क्षेत्रहरुमा प्रदान गर्दै आउनु भएको छ ।

रोशी गाउँपालिका शिक्षा शाखा प्रमुख राम बहादुर तामाङको बिशिष्ट आतिथ्यतामा भएको उक्त कार्यक्रमको सभापतित्व बिद्यालय व्यवस्थापन समितिका अध्यक्ष बज्रध्वज लामाले गरेका थिए । कार्यक्रममा बिद्यालयका प्र.अ. बासु थापाले स्वागत मन्तव्य राख्नुभएको थियो । । रोशी गाउँपालिकाका शिक्षा शाखा प्रमुख रामबहादुर तामाङले गुणस्तरीय शिक्षाले बिद्यार्थीको व्यवहारमा परिवर्तन ल्याउनुपर्ने धारणा राखनुभयो । कार्यक्रमको समापन गर्दै बिद्यालय व्यवस्थापन समितिका अध्यक्ष बज्रध्वज लामाले बिद्यालयलाई नमूना बनाउन सदैव क्रियाशिल रहने बताउनु भयो ।