नमोवुद्ध नगरको दुई बर्षे उपलब्धि

नमोबुद्ध-नमोबुद्ध नगरपालिकामा स्थानिय तहको निर्वाचनबाट निर्वाचित जनप्रतीनिधिहरुले दुई बर्षे के कती बिकास निर्माण कार्य लगाएतको उपलब्धी भयो भन्ने बिषयमा एक कार्यक्रमको आयोजना गरी जानकारी गराएको छ ।

प्रतिनिधिसभा सांसद गंगा बहादुर दोङको प्रमुख आतिथ्य तथा प्रदेश सभाका सांसद रत्न ढकालको बिषेश आतिथ्यतामा, सांसद चन्द्र लामाको उपस्थीतीमा सम्पन्न भएको उक्त कार्यक्रमको सभाध्यक्षता नगर प्रमुख टि.पि. शर्मा तिमल्सिनाले गर्नुभएको थियो ।

कार्यक्रमका प्रमुख अतिथी गंगा ब. दोङले २ वर्ष पुरा नगरले हासिल गरेको उपलब्धीको बारेमा खुसि व्यक्त गर्दै तेस्रो वर्षमा प्रवेश गरेकोमा सुभकामना दिनु भएको थियो । कार्यक्रममा प्रदेश सांसद रत्न ढकालले सबै जनप्रतिनीधीहरुलाई धन्यवाद दिनुहुदै दुई तिहाईको सरकारले के काम गर्न सकेको छ र भन्ने जनताहरुलाई काम गरेर देखाएको प्रति खुसी व्यक्त गर्नुभयो ।

नमोवुद्ध नगरका प्रमुख एवं कार्यक्रमका सभाध्यक्ष टिपी शर्मा तिमल्सीनाले नगरवासिहरुको हितको लागि कार्य गरी रहेको र आगामी दिनहरुमा अझ व्यवस्थित साथै चुहावट रहित ढंगबाट कार्य गरीने बताउनु भयो । उहाँले थप्नुभयो नगरपालीकाले प्रत्तेक वडामा चौतारो, पोखरी, पार्क निर्माउण गर्ने अवधारण ल्याएको बताउनु भयो ।

कार्यक्रममा नगरका प्रमुख प्रशासकिय अधिकृत भोला चापागाईले नगरले अगाडी बढाएको योजनाहरु तिब्र गतिमा अगाडी बढेको वताउंदै कतिपय वडाहरुमा विकास निर्माणको कार्य सम्पन्न भएसकेको बताउनु भयो । वाकि रहेको योजनाहरु छिटै सम्पन्न गर्ने बताउनु भयो । जनप्रतिनीधी कार्यक्रममार्फत जनताको सुझव तथा जिज्ञासा सँकलन गरीसकेको बताउँदै त्यस्लाई त्यसै खेर जान नदिने चापागाईले बताउनु भयो ।