दश गाविसमा बारुदी सुरुङसम्वन्धी जोखिम शिक्षा

बनेपा ÷ स्थानीय शान्ति समिति काभ्रेपलाञ्चोकको आयोजनामा काभ्रे जिल्लाका दश गाविसमा बारुदी सुरुङसम्वन्धी जोखिम शिक्षा प्रदान गरिएको छ ।
जिल्लाको महादेवस्थान गाविसस्थित डेडिथुम्का उच्च मावि, तपेश्वर उच्च मावि गैरिविसौना देउपुर, चण्डेनी मावि जैशिथोक, कुशादेबी उच्च मावि कुशादेवी, शान्ति निकेतन उच्च मावि र्याले विहावर, श्रीकृष्ण उच्च मावि दाप्चा छत्रेबाँझ, हनुमान उच्च मावि पात्लेखेत, जनक उच्च मावि मेथिनकोट, रोशी उच्च मावि कटुञ्जेवेशी र मंगल जनविजय उच्च मावि मंगलटारमा ०७१ साउन १८ गतेदेखी साउन २० गतेसम्म जोखिमबाट बँच्नका लागि यससम्वन्धी शिक्षा दिइएको हो ।
शान्ति तथा पुर्ननिर्माण मन्त्रालय र जिविस काभ्रेको सहयोगमा आयोजित कार्यक्रमहरूमा स्थानीय शान्ति समितिका पदाधिकारी, नेपाली सेना, नेपाल प्रहरी र मानवअधिकार संस्था इन्सेकका प्रतिनिधिहरूले सहजीकरण गरेका थिए ।
स्थानीय शान्ति समितिका संयोजक टुल्कु लामाको अध्यक्षतामा भएको कार्यक्रमहरूमा मानवअधिकारकर्मी भोजराज तिमल्सिना र नेपाली सेनाका अमलदार नरबहादुर श्रेष्ठले बारुदी सुरुङबारे जानकारी दिएका थिए ।
कार्यक्रममा स्थानीय शान्ति समितिका सदस्यहरू मिना तामाङ, रिता ढकाल, रणबहादुर बोहोरा, शान्ता न्योपाने, रामचन्द्र सापकोटा, राजेन्द्र केसी, लेखराज गजमेर, देबबहादुर मोक्तान, नेपाली सेनाका हुद्दा नेत्रलाल भट्ट र सिपाही दामबहादुर विसी, नेपाल प्रहरीका भुपेन्द्र थापा र भैरव खरेललगायत कार्यक्रम संचालित विद्यालयका प्राचार्यहरू, बाल समूहका अध्यक्षहरू र सरोकारवालाहरूले बारुदी सुरुङको जोखिमबाट बच्नका लागि सुझाएका थिए । कार्यक्रमबाट पाँच हजार भन्दा बढी सर्वसाधारणहरू लाभान्वित भएका छन् ।