जुवातास खेल्ने खेलाउनेलाई नियन्त्रण गर

मुलुकमा कोरोनाको महामारी फैलिएपछि चैत्र ११ गतेबाट लकडाउन भयो । लकडाउन भएसंगै आफ्नो नियमित कामकाजमा जान नपाई फुर्सदिला भएकाहरुले समय कटाउने नाउमा जुवा तासमा रमाउने गरेका थिए । जुन कार्य लतमा परिणत भयो, जसका कारण पछिल्ला समयमा आउंदा जताततै जुवातासमा रमाउनेहरुको संख्या ह्वात्तै बढेको छ । घरपरिवारमा रहेका पुरुषहरु जुवा तासमै रमाईरहंदा परिवारमा विवाद बढ्ने गरेको छ । जुवातासका कारणे जटिल अवस्था आउंदै गरेको अवस्थामा प्रहरी प्रशासनले खासै चासो नदिंदा समस्या आउने गरेको छ ।
खेलबाडको कारण घरपरिवारमा विवाद हुनथालेपछि घरपरिवारले जानकारीहोला भन्ने डरले सामुदायिक वन तथा मठमन्दिरमा जम्मा भएर रमाउने गरेको पाईएको छ । स्थानिय घरेलु मदिरा तथा गाँजामा रमाउंदै जुवातासमा जुटिइरहंदा सम्बन्धित निकायले खासै चासो नदिदा खेलवाडहरु मौलाउंदै छ । स्थानियहरुले जुवातासको बारेमा प्रहरीलाई जानकारी गराउंदा समेत कुनै नदिदा अवस्था जटिल बन्दै गएको स्थानियहरुको गुनासो रहेको छ ।
जिल्लाको विभिन्न स्थानमा मौलाउंदै गरेको गाँजा साथै खुलेआम ओसारपसार, सेवन र बिक्रि गर्दे गरेको स्थानिय घरेलु मदिराको बारेमा समेत चासो पुग्न सकेको छैन । जसका कारण स्थानियहरु चिन्तित रहेका छन् । स्थानिय जनताहरुको समस्यालाइ मध्यनजर राख्दै स्थानिय घरेलु मदिरा, जुवातास तथा गाँजा सेवन, ओसार पसार साथै उत्पादन गर्ने कार्यलाई निमिट्यान्न पार्ने कार्यमा जुट्न जरुरी रहन्छ । सामाजिक बिकृतिको रुपमा रहेका यस्ता गैह्र कानुनि ढंगको कार्यलाई अभियानको रुपमा अगाडी बढाएर शुक्ष्म ढंगबाट निरन्तर रुपमा लाग्दै नियन्त्रण गर्न जरुरी रहन्छ ।