क्रसर व्यवसायी र गापा बिच सहमति

सिर्जना लामा
रोशी । क्रसर ब्यबसायि र गाउँपालिका बिच आज एकसमारोह बिच सहमति भएको छ । वैठकमा व्यवसायीहरुले विगतमा पालिकासँग गरेको प्रतिवद्धताको विषयमा छलफल गरिएको गाउँपालिका अध्यक्ष डि.वि. लामाले जानकारी दिनुभयो ।
रोशी गाउँपालिकाको कार्यालय कटुन्जेबेशीमा रोशी गाउँपालिका र पालिका भित्र सञ्चालित ढुंगा खानी तथा क्रसर व्यवसायीहरुबिच वैठक सम्पन्न भएको हो ।
विगतका छलफलका विषयहरु ः
रोशी खोला क्षेत्रभित्र सञ्चालनमा रहेका ढुंगा खानी तथा क्रसर उद्योगबाट धुलो तथा डस्टहरुलाई न्यायोचित ढंगले व्यवस्थापन गर्ने ।
क्रसरबाट उत्पादन भएका खनिज (ढुंगा, बालुवा, रोड,ा ग्रावेल) उत्खनन तथा नदी खोला जन्य सामग्री उत्खनन संकलनका लागि सम्बन्धित उद्योगमा सबैले देखिने गरी होडिङ बोर्ड अनिवार्य रुपमा राख्नुपर्ने ।
उद्योग क्षेत्र वरिपरि विरुवाहरु रोप्ने, खानी क्षेत्रमा दैनिक पानी छर्कने, क्रसरबाट निस्केको धुलोलाई पालिकाले तोकेको क्षेत्रमा लगेर फिलिङ गर्ने, उद्योगको आइ. ई. ई. रिपोर्ट गाउँपालिकामा पेश गर्ने ।
जस्ता विषयमा छलफल गरिएको माथि तोकिएका विषयमा प्रत्येक क्रसर व्यवसायी अनिवार्य रुपमा कार्यन्वयन गर्नका निम्ति व्यवसायीहरुलाई निर्देशन दिइएको अध्यक्ष लामाले बताउनुभयो ।
साथै आजको निणर्यमा गाउँपालिकालाई तिर्नुपर्ने व्यवसाय कर र रोयल्टी गाउँपालिकामा दाखिला गरेपछि मात्र पालिकाले संचालन गर्न दिने अन्यथा बन्द गर्ने, जिल्ला प्रशासन कार्यालय काभ्रेको चलानी नम्बर १३५० मिति २०७७।८।२५ को पत्रानुसार प्राप्त निर्णय नं ३ अनुसार २०७८ आषाढ ७ मशान्त सम्ममा मापदण्ड पूरा गर्ने प्रतिवद्धता गराइ व्यवसाय खुल्ला गर्ने निर्णय आजको वैठकले गरेको प्रमुख प्रशासकिय अधिकृत डम्बरु दाहालले जानकारी दिनु भयो ।
वैठकमा खानी तथा क्रसर व्यवसाय संघको संयोजक भरत प्रसाद घिमिरे, ईलाका प्रहरी कार्यालय मंगलटारका प्रहरी निरीक्षक शेखर खड्का, प्रशासन अधिकृत धनवीर लामा लगायत पालिका भित्रका क्रसर व्यवसायीहरुको उपस्थिति रहेको थियो ।