दिगो विकासका लागि साझेदारीमा काम गर्न लायन्स तयार छ ः गर्भनर आचार्य

बिपशना शाक्य

काभ्रे । “सर्भिस फर अ स्माइल” डिष्ट्रिक गर्भनरको यो वर्षको नारालाई सार्थक बनाउने प्रतिबद्धतासहित जुटेका लायनहरुप्रति काभ्रे जिल्लामा रहेका डिष्ट्रिक ३२५ बि१ एम.डी. ३२५ नेपालसँग आबद्ध ७ वटा लायन्स क्लबहरुको संयुक्त पद हस्तान्तरण कार्यक्रमलाई सम्बोधन गर्न काभ्रे आइपुग्नुभएका डिष्ट्रिक गर्भनर विश्वेश्वर आचार्यले लायनको पहिचान खुल्ने काम गर्दैनौं भने सर्वसाधारण भन्दा हामी कसरी फरक भयौं त ? त्यसैले निम्न स्तरका नागरिकहरुको दिगो विकासका लागि ५०/५० प्रतिशतको साझेदारीमा डिष्ट्रिक काम गर्न तयार भएको बताउनुभएको छ ।

सम्बोधनकै क्रममा गर्भनर आचार्यले– जसको नमूना, नमूना भिलेजलाई लिन सक्छौं । हामीले परनिर्भरतावादी संस्कारबाट निम्न आयस्तर भएका आम नागरिकहरुलाई उठाउने हो भने राहत होइन, उद्यमशीलतातर्फ आकर्षित गर्नुको विकल्प छैन । अब लायनले राहतमुखी कार्यक्रमलाई विस्तारै छोडौं । तत्काल आकस्मिक कुनै त्यस्ता परिस्थितिजन्य घटनाबाहेक अन्य अवस्थामा राहत भन्ने शब्द नै प्रयोग नगरौं । कम्तिमा पनि आफैं जिउनुपर्छ भन्ने संस्कारको विकास गरौं । म आफ्नै खुट्टामा उभिनुपर्छ भन्ने चेतना जगाऔं । त्यसका लागि प्रत्येक लायनले आ–आफ्नो स्थानबाट फरक फरक किसिमले प्रस्तुत हुने जमर्काे गरौं । त्यस्तै जीवनस्तरलाई जीवनोपयोगी बनाउनका लागि लायन्स क्लबले नमूना किसिमले समाजमा आफूलाई प्रस्तुत गर्नुको विकल्प छैन । नेपालको भूगोल र यहाँको आर्थिक अवस्थालाई मनन गरेर कमजोर आर्थिक अवस्था भएका आम नागरिकको जीवनमा दिगो खुशी ल्याउन सक्नु नै लायन्सको प्रमुख उद्देश्य सम्झिँदै कार्यक्षेत्रमा समर्पित हुनु आजको आवश्यकता हो ।

यसका लागि हामीले साना तथा मझौला उद्यमतर्फ आकर्षित बनाउने योजनाहरु लायन्स क्लबले अपनत्व लिने गरी अगाडि बढाउनु प¥यो । लायन्सका बारेमा अझै पनि हाम्रो समाजले राम्रोसँग बुझ्न सकेको छैन । त्यसैले बेला बेलामा लाग्ने आरोपहरुलाई मिथ्या सावित गर्नका लागि स–सानो काम नै ठूलो हुन्छ भन्ने सन्देश प्रवाह गर्न सक्नुप¥यो । यसका लागि प्रत्यक्ष रुपमा देखिने र प्रभाव पार्ने खालका कामहरुमा जागरुक बनौं भन्नुहुँदै गर्भनर आचार्यको थप कथन थियो– पैसा मात्र ठूलो कुरा होइन, मन पनि ठूलो हुनुपर्छ । आजको पद हस्तान्तरण कार्यक्रमतर्फ इंकित गर्दै गर्भनर आचार्यको टिप्पणी थियो– आफू भए ठिक, अरु भए बेठिक भन्ने र गर्ने संस्कारबाट हामी लायनहरु माथि उठ्नुपर्ने अवस्थामा पूर्वजहरुले देखाएको गतिविधिलाई सचेत गराउन पछि पर्नु भएन । जिम्मेवारी बहन गर्न त तयार हुनुहुन्न भने तपाईंबाट समाजले के अपेक्षा र आशा राख्ने ? आजको यो महत्वपूर्ण चाडमाथिको तपाईंहरुको बुझाइमा परिवर्तन हुन आवश्यक छ । अन्यथा हामी लायन र राजनीतिककर्मीहरुमा के नै फरक रह्यो र ! त्यसैले तत् तहमा रहनुहुने जिम्मेवार नेतृत्वहरुले आफ्नो दायित्व, जिम्मेवारी, कर्तव्य सोही अनुरुप निर्वाह गर्नु आजको आवश्यकता हो । जिम्मेवारी लिनुहुन्छ भने पालना पनि त्यही अनुरुप गर्नु सिक्नुस् भन्नुहुँदै आगामी यात्रामा यस किसिमको आभाष डिष्ट्रिकले महसुस गर्ने वातावरण नबनोस् भन्दै वर्ष २०२१/२२ का पिभीएसटीहरुको कार्यकालको सफलताको शुभकामना सहित शपथ खुवाउनुको साथै गर्भनर पिनबाट कार्यक्रमका प्रमुख अतिथि एवं डिष्ट्रिक गर्भनर आचार्यले सम्मान गर्नुभएको थियो । क्रमश…