अबको चुनावमा नेपाली कांग्रेसको झण्डा फहर्याउनु पर्ने कार्यक्रमका वक्ताहरुको जोड

उर्मिला यादव यात्री
परासी । पश्चिम नवलपरासीको सुनवल नगरपालिका वडा नम्बर २ मा अबको चुनावमा नेपाली कांग्रेसको झण्डा फहर्याउनु पर्ने एक कार्यक्रमका वक्ताहरुले जोड दिएका छन् ।
नेपाली कांग्रेस वडा नम्बर २ वडा कार्य समितिको पहलमा शनिबार बत्रौलिमा भएको कार्यक्रममा वक्ताहरुले सो कुरा बताएका हुन् । वक्ताहरुले आफ्नो वडामा भएका समस्याहरु उठान गर्दै नेपाली कांग्रेस एकजुट भएर अघि बढनुपर्ने बताएका छन् । वडामा आफ्नो पार्टीको अध्यक्ष नहुँदा स–साना योजना पनि ल्याउन नसकेको गुनासो सो अवसरमा कार्यकर्ताले नेता समक्ष गरेका थिए । यस्तैगरि सुनवल नगरपालिका वडा नम्बर २ बत्रौलि टोलमा टोल समिति गठन गरिएको छ । जसको सभापतिमा दिप नारायण यादव, उपसभापतिमा शोभा बस्याल, सचीवमा गणेश गुप्ता, कोषाध्यक्षमा शकुन्तला धरिकार रहनुभएको छ । यस्तैगरि सदस्यहरुमा तुलसी यादव, रुद्रनारायण चौधरी, उमेश यादव, बिरेन्द्र यादव, अवधेश गिरि, सत्य प्रकाश थारु, बिक्रम यादव, बुद्ध बहादुर चौधरी, गिर्जेश यादव, दिनेश यादव, प्रदिप यादव, धर्म राज चौधरी र बिक्रम कँुवर योगि रहनुभएको छ ।
नेपाली कांग्रेस वडा नम्बर २ का सभापति ज्ञानचन्द यादवको अध्यक्षता तथा नेपाली कांग्रेस जिल्ला कार्य समिति सदस्य दुर्गा कोइरालाको प्रमुख आथित्यतामा कार्यक्रम सम्पन्न भएको हो । कार्यक्रममा नवगठित समितिलाई नेपाली कांग्रेस सुनवल नगर सभापति सोम बहादुर रायमाझी, नगर सदस्य हिरालाल यादव, ट्रेड युनियन नेपाली कांग्रेस जिल्ला अध्यक्ष ज्ञानहरि अर्याल लगायतले शुभकामना मन्तव्य दिनु भएको थियो भने कार्यक्रम सञ्चालन वडा सचिव गुप्त बहादुर रोकाले गर्नु भएको थियो ।