आधारभूत तालिम एवं शिविर सम्पन्न

काभ्रे । १९औं स्थापना दिवस तथा ६५औं राष्ट्रिय सहकारी दिवसको अवसरमा काठुं गणेश बचत तथा ऋण सहकारी संस्थाको आयोजना र सुप्रिम डेन्टल कियर बनेपाको प्राविधिक सहयोग मिति २०७८ चैत्र २० गते १ दिने निशुल्क दन्त शिविर कार्यक्रम सम्पन्न भएको छ ।
उक्त शिविरमा ५० जना दातका बिरामीहरुले सेवा लिएका थिए । सोही अवसरमा काठुं गणेश बचत तथा ऋण सहकारी संस्थामा आवद्ध सम्पुर्ण सदस्यहरुलाई (दाँतका बिरामीहरुलाई) लागेको खर्चमा २० प्रतिशत छुटको व्यबस्था गर्न सुप्रिम डेन्टल केयरका कार्यालय प्रमुख भिम प्रसाद बन्जारा र संस्थाका अध्यक्ष त्रिरत्न राजबाहक बिच एक सम्झौता पत्रमा हस्ताक्षर गरिएको छ । सो सेवा चैत्र २१ गते देखि लागु हुने छ । उक्त शिविरमा संस्थाका पदाधिकारी, सदस्य र कर्मचारीहरु उपस्थित रहेको थियो ।
त्यस्तै श्री काठुं गणेश बचत तथा ऋण सहकारी संस्था लि. को महिला उप समितिका आयोजनामा मिति २०७८ चैत्र १९ गते श्रृंगारको १ दिने आधारभूत तालिम सम्पन्न भएको छ ।
उक्त तालिममा संस्थाका अध्यक्ष त्रिरत्न राजबाहकले तालिमको उदेश्य माथि प्रकाश पार्नु भएको थियो । तालिम १ दिनको नभई कम्तीमा ७ दिनको तालिम संचालन गर्दा राम्रो हुने थियो भन्ने तालिममा सहभागिहरुको भनाइ रहेको थियो । तालिममा प्रशिक्षकको भूमिका चण्डीका मानन्धरले गर्नु भएको थियो भने कार्यक्रम सञ्चालन उप समितिका संयोजक बिजया नकर्मीले गर्नु भएको थियो । उक्त तालिममा संस्थाका कार्य समितिका सचिब हरिगोपाल मानन्धर, सदस्य न्हुच्छेलाल मानन्धर, सदस्य यशुराम राजबाहक महिला उप समितीका सदस्य जुरीका मानन्धर र कर्मचारीहरु उपस्थिती रहेको थियो । उक्त तालिममा संस्थामा आवद्ध २० जना सदस्यले भाग लिनु भएको थियो ।