स्थायी सरकार गठन गर

नेपाली जनताको लामो त्याग, वलिदानी र तपस्या पश्चात मुलुकमा जनसंविधान जारी भई संघीयता लागू भएको छ । राजतन्त्रको अन्त्य गर्दै गणतन्त्र प्राप्ति सहितको परिवर्तनको लागि मुलुकमा १० बर्षे जनयुद्ध साथै द्रोस्रो जनआन्दोलन समेत भयो । जुन अवधिमा हजारौं नेपाली आमाका सन्तानहरूले बलिदानी गर्नुप¥यो । यति धेरै त्यागका साथमा भएका उपलब्धीहरूको रक्षा गर्दै समृद्ध नेपाल निर्माणको पर्खाईमा रहेका नेपाली आमाका सपुत सन्तानले मुलुकको हितको लागि पर्खाइमा रहेका छन । मुलुक निर्माणका खातिर जिम्मेवारी प्रदान गरेको पक्षले जनचाहना अनुसारको कार्य गर्ने विषयमा चासो दिनुभन्दा सत्ता प्राप्ति साथै यस आराम र दलगत हितको लागि कार्य गर्दै गर्दा नेपाली जनताहरू चनाखोका साथमा नियाली रहेका छन ।
मुलुकको हितको खातिर कार्य गर्न सक्षम नेतृत्वको साथै स्थाई ढङ्गको सरकार आवश्यक पर्ने ठहर गर्दै मुलुकमा संघीयता लागू भएपछिको पहिलो प्रतिनिधि तथा प्रदेशसभा निर्वाचन २०७४ मा नेपाली जनताहरूले कम्युनिष्ट पार्टीहरूको गठबन्धनलाई झण्डै दुई तिहाइ बहुमतको नजिक पु¥याउने कार्यमा सफल भए । जुन समय कम्युनिष्ट पार्टीहरूले १७६ सिट हासिल गर्न सफल भएका थिए भने गैर कम्युनिष्ट पार्टीहरूले ९८ सिटमा सीमित हुँदै गर्दा स्वतन्त्रले १ सिटमा चित्त बुझाएका थिए । तर जनताको चाहना अनुसारको कार्य गर्नुको बदला दलगत स्वार्थमा अगाडि बढ्दा नेपाली जनताको प्रश्वास गुम्यो । परिणाम स्वरुप ०७९ को आम निर्वाचनमा कम्युनिष्ट पार्टीहरूले १२१ सिटमा चित्त बुझाउनु र्पयो भने गैर कम्युनिष्ट पार्टीले १४९ सिट र स्वतन्त्रले ५ स्थानमा विजयी हुन सफल भएका छन् ।
मंसिर ४ मा सम्पन्न निर्वाचनको परिणाम अनुसार नेपाली जनताहरूले जुन दलहरूसंग जे आशा राखेका थिए निराशामा परिणत भएको छ । स्वतन्त्र ५ उम्मेदवारहरू निर्वाचित हुनु, केही समय अगाडि मात्रै दर्ता भएको स्वतन्त्र पार्टी राष्ट्रिय पार्टीको हैसियतमा पुग्दै २० सिट सुरक्षित गनृ सक्नु र मुलुकमा आमूल परिवर्तनको पक्षमा रहेका दलहरूको अवस्था खस्कनुले पनि जनता परिवर्तनको पक्षमा रहेको पुष्टि हुन्छ । निरास हुँदै परिवर्तनको पक्षमा रहेका नेपाली जनताको मन जित्नको लागि अव बन्ने सरकार स्थाई ढङ्गको बन्न जरुरी रहन्छ । निर्वाचनमा गठबन्धन गरी अगाडि बढ्दै गरेका दलहरूले सरकार बनाउन सक्ने खालको संख्या पुगेको छ । राजनीतिक बेइमानी नगर्ने हो साथै सरकार गठन भएपछि नेपाली जनताको चाहना अनुसार कार्य गर्दै ५ वर्ष सम्म सरकार टिकाउन सक्ने हो भने राष्ट्रिय अन्तराष्ट्रिय रुपमा सकारात्मक सन्देस जान्छ । तर सरकार बनाउने र ढाल्ने खेल निरन्तर हुँदै गएमा गठबन्धन पक्षको सरकार गठनको कुनै औचित्य रहन्न ।
धेरै दलहरू मिलेर सरकार बनाउदै गर्दा पदिय भागबन्डाको कारण विवाद नहोला भन्न सकिन्न । भागबन्डाकै कारण विवाद हुने हो भने गठबन्धन पक्षको सरकार निर्माणको खासै औचित्य रहन्न । जबसम्म मुलुकमा स्थाई सरकार गठन हुन सक्दैन तबसम्म जनताको आकांक्षा अनुसारको कार्य हुन सक्दैन । गठबन्धन पक्षधर र एमाले मिलेर वा एमाले र अन्य दलहरू मिलेर सरकार बनाएपनि स्थाई सरकार गठन गर्न जरुरी रहन्छ ।