नवलपरासीमा भिषण हावाहुरी : रुख ढलेर च्याप्दा दुई जनाको ज्यान गयो

नवलपरासी/ पश्चिम नवलपरासीको सुनवलमा हावाहुरीले रुख ढलेर च्याप्दा दुई जनाको ज्यान गएको छ । शुक्रबार हावाहुरीसहित आएको पानीबाट जोगिन प्रतिक्षालयमा ओत लागेका दुई जनाको ज्यान गएको हो ।

रुखले च्यापेर मृत्यु हुनेमा सुनवल ७ निवासी ३० वर्षिया मिरा बयम्बु र सोही वडाका ४० वर्षिय दुर्गाबहादुर पुन रहेका छन् । प्रतिक्षालयमाथि नै रुख ढलेपछि मानवीय क्षती भएको प्रत्यक्षदर्शीले बताएका छन् ।

रुखले च्यापेर थप तीन जना घाइते भएका छन् । घाइते हुनेमा स्थानीय नरमा परियार, दुर्गा खाम्चा र एकजनाको परिचय नखुलेको प्रहरीले जनाएको छ । घाइतेलाई उपचारका लागि देवदह मेडिकल कलेज पठाइएको छ ।