हर्मुज जलडमरूमध्य खोल्न इरानको अमेरिकासँग ६ सर्त

एजेन्सी / इरानको इस्लामिक रिभोलुसनरी गार्ड कर्प्सले रणनीतिक महत्त्वको हर्मुज जलडमरूमध्य पुनः सञ्चालनका लागि अमेरिकासमक्ष ६ वटा सर्त अघि सारेको छ।

इरानको सर्वोच्च राष्ट्रिय सुरक्षा परिषद्का सचिव मोहम्मद बाघेर जोल्घाद्रले अमेरिकाले नौसैनिक नाकाबन्दी हटाउनुपर्ने, युद्धबाट भएको क्षतिको क्षतिपूर्ति दिनुपर्ने तथा इरानमाथिका प्रतिबन्ध हटाउनुपर्ने लगायतका सर्त सार्वजनिक गरेका हुन्।

इरानका मुख्य सर्तहरू यस्ता छन्:

• इरान र उसका ‘पवित्र मूल्य’ विरुद्धका धम्की अन्त्य गर्नुपर्ने।
• इरान तथा उसका क्षेत्रीय सहयोगीविरुद्धको सैन्य कारबाही स्थायी रूपमा रोक्नुपर्ने।
• नाकाबन्दीमा संलग्न अमेरिकी नौसैनिक तथा हवाई सेना फिर्ता गर्नुपर्ने।
• हालैको द्वन्द्वबाट भएको क्षतिको क्षतिपूर्ति दिनुपर्ने।
• इरानमाथिका अमेरिकी प्रतिबन्ध हटाउनुपर्ने।
• रोक्का गरिएको इरानी सम्पत्ति फुकुवा गर्नुपर्ने।