प्रभातफेरी अनलाइन७१३३ पटक पढिएको | २०७६ भाद्र २५, बुधबार
पनौती-नेपाली कांग्रेसको केन्द्रीय नीतिअनुसार राष्ट्रव्यापी अभियानको रुपमा जागरण कार्यक्रमको मंगलबार नेपाली कांग्रेसका केन्द्रीय सदस्य शिव हुमागाईंबाट लप्सीको बिरुवा रोपेर शुभारम्भ गर्नुभएको छ ।
धुलिखेल नगरपालिका वडा नं. १२ शंखुपाटीचौरमा रहेको खुल्ला डाँडामा वृक्षारोपण गरेर अभियानको शुभारम्भ गर्दै नेपाली कांग्रेसको जुन अभियान छ, त्यसबाट विपक्षीहरुले पाठ सिक्न आवश्यक रहेको तर्क गर्दै महामानव वीपि कोइरालाको महान् विचारले नै आज मुलुक सम्वृद्धि तर्फ उन्मुख भईरहँदा सत्ताको उन्मात चढेकाहरुले जनभावना विपरित अगाडि गएमा कांग्रेस चुप लागेर नबस्ने उद्घोष गर्दै जागरण अभियानले कांग्रेसमा एउटा उर्जा थप्ने तर्क राख्नुभयो ।
उक्त जागरण अभियान अन्तर्गत मंगलबारबाटै जिल्लाका विभिन्न चार स्थानमा वीपी कोइरालाको १०६औं जन्मोत्सवका साथ वृक्षारोपण गरेर जागरण अभियानलाई सार्थक बनाइएको क्षेत्र नं. १ ख का नेपाली कांग्रेस क्षेत्रीय सभापति रमेश हुमागाईंले बताउनुभएको छ । उक्त जागरण अभियानमा जिल्ला प्रतिनिधि कृष्णगोपाल भैल लगायतका क्षेत्र नं. १ ख का नेता तथा कार्यकर्ताहरुको बाक्लो उपस्थितिमा वृक्षारोपण गरिएको थियो ।
प्रभातफेरी अनलाईन
बनेपा नपा-५,राजदास मार्ग
ppkavre@gmail.com
९८५११२८४५०,९८४१४२८४५०
प्रा.फम द. नं.: ९६७९/०७६/०७७
सूचना विभाग दर्ता नं.: ८२०/०७४-७५
| संचालक : | प्रल्हाद शर्मा हुमागाईं सम्पर्क: ९८५११२८४५० |
| सम्पादक : | राज्यलक्ष्मी श्रेष्ठ सम्पर्क: ९८४१४२९९६५ |
