चिया तथा मदिरा पसलबाट कोरोना फैलन सक्ने

बिश्वका ठुला साथै सम्पन्न मुलुकहरुमा समेत कोरोनाको प्रकोपले गर्दा आतंकित भईरहेको अवस्थामा नेपाल सरकारको सकारात्मक भुमिकाले गर्दा मुलुकमा रोग फैलन पाएको छैन । सरकारले लकडाउन गरेर आवत जावतलाई रोक्नु नै रोग फैलनबाट जोगिनु हो । सरकारले कस्का लागि किन लकडाउन गरेको भन्ने बिषयमा बुझेर पनि बुझ पचाउनेहरुका कारण केही समस्या भइरहेको छ । नेपाली जनताको स्वास्थ्यमा समस्या नआवस भनि सरकारले चालेको कदमलाई चिया पसल साथै मदिरा पसलहरुले केही मात्रामा अटेर गर्दा समस्या निम्तन सक्ने खतरा बढेको छ । अक्सर गरेर ठुला बजारमा भएका उक्त पसलहरु नचलेपनि भित्रि सडकहरुमा भएका त्यस्ता पसलहरुले ढोका थुनेर भित्र व्यवसाय चलाउने कार्यले गर्दा खतराको शंकेत बढेको हो ।

लकडाउनको समयमा दिउंसो आवत जावत कमी भएको छ , जुन सकारात्मक कार्य हो । तर रातीको समयमा आवत जावतको अवस्था वड्दा समस्या आउन सक्ने सम्भावना बढेको छ । अतिआवश्यक सवारी साधनको नाउमा यातायात सञ्चालनको लागि छुट दिएका सवारी साधनहरुले दुरुपयोग गर्दै यात्रुहरु समेत ओसार गर्ने कार्यले थप संङ्का उत्पन्न गराएको छ । टाडा टाडबाट आवत जावत गर्नको लागि रातीको समय निर्धारण गर्दै नीजि तथा भाडाको सवारी साधन र सुबिधाको नाउमा छुट दिएको सवारी साधन मार्फत आवत जावत गर्ने कार्य दिपर दिन बाक्लींदै जाँदा समस्या आउने संभावना बढ्दो छ । केही दिन अगाडी छिमेकि मुलुक भारत तथा विश्वको बिभिन्न मुलुकबाट काठमाडौ आएकाहरु रातारात गाउं गाउंमा भित्रनु र क्वारेन्टाईन बस्नु पर्ला भन्ने डरले लुकिछिपि बस्दा ग्रामिण बस्तिका जनताहरु चिन्तित अवस्थामा रहेका छन् ।

अति आवश्यकिय सामाग्रीहरु खरिद बिक्रि गर्ने पसलहरुमा समय निर्धारण नगरिनु साथै सुरक्षा नअपनाउदा समस्या पर्ने देखिएको छ । मुलुकका बिभिन्न व्यापारिक केन्द्रहरुमा सरकारले नीर्धारण गरेको नीयम राम्रोसंग लागु भएपनि ग्रामिण बस्तिहरुमा भने लागु हुन सकेको छैन । खाद्यान्न पसलमा सामान खरिद गर्दा निर्धारण गर्नुपर्ने दुरी निर्धारण हुन सकेको छैन । तरकारी बजारमा भिडभाड उत्तिकै छ, रातीको समयमा दुईपाङ्गे्र सवारी साधनहरुले नीयम उलंघन गरेर आफन्तहरु ओसार पसार गरी रहेका छन् । यस्ता कार्यहरुले गर्दा जुन उद्देश्यका साथ लकडाउन गरिएको छ सो पुर्ण हुनसक्ने अवस्था छैन । जसरी दिउंसोको समयमा कडाई गरिएको छ ,रातीको समयमा पनि सोहि तरिकाले अगाडी बड्दै लकडाउनको अटेर गर्नेहरुलाई कानुनि कारवाही जरुरी रहन्छ ।