खुल्ला नाका भएकै कारण तस्करी बढ्दो

धनी राम कोरी
कपिलवस्तु । कपिलवस्तु जिल्लाको शुद्धोधन गाउँपालिका वडा नं. ५ हथिहवादोहनीस्थित भारतबाट अबैध रुपमा भन्सार छली गरी पैदल बाटो प्रयोग गर्दै तस्करी बढेको छ ।
भारतबाट नेपालतर्फ ल्याउँदै गरेको खसी बोका जिल्ला प्रहरी कार्यालय कपिलवस्तुबाट खटिएको प्रहरी टोलीले बरामद गरी आवश्यक कारवाहीका लागि सुठौली भन्सार कार्यालय पठाईएको कपिलवस्तुका डि.एस.पी धर्मराज भण्डारीले जानकारी दिनुभएको छ ।
विश्वमा फैलिएको कोरोना भाइरस नेपालीमा पनि यसको जोखिम उच्च भएका कारण भारत र नेपालका खुल्ला नाकाहरु नेपाल सरकारले बन्द गरेपश्चात् चोरीबाटो हुँदै विभिन्न चौपायाहरु तस्करी बढिरहेको छ । जसको पछिल्लो उदाहरण खसी, बाख्राहरु भएको जिल्ला प्रहरी कार्यालय कपिलवस्तुले जनाएको छ ।