सुन प्रतितोला रु १,६०० र चाँदी रु १४० ले घट्यो

काठमाडौं, स्थानीय बजारमा आज सुनचाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार सुनको मूल्य प्रतितोला रु १,६०० ले घटेर रु २ लाख ८७ हजार १०० कायम भएको छ।

त्यस्तै, चाँदीको मूल्य पनि प्रतितोला रु १४० ले घटेर रु ४ हजार ५९० मा कारोबार भइरहेको महासंघले जनाएको छ।

अन्तर्राष्ट्रिय बजारको प्रभावसँगै पछिल्ला दिनहरूमा सुनचाँदीको मूल्यमा उतारचढाव देखिँदै आएको छ।