नगरवासीका आवश्यकताहरु नगरका आवश्यकता हुन् ः प्रमुख भण्डारी

काभ्रे । पनौती नगरपालिकाका नगर प्रमुख रामशरण भण्डारीले जनतासँग जनप्रतिनिधि कार्यक्रमअन्तर्गत पनौती नगरपालिका वडा नं. ४ तल्लो सल्ले देविस्थानवासीले आयोजना गरेको कार्यक्रमलाई सम्बोधन गर्ने क्रममा नगरवासीका आवश्यकताहरु नगरका आवश्यकता भएको बताउनुभएको छ ।
स्थानीय सहभागीहरुले उठाएका समस्या र चुनौतीहरुलाई सम्बोधन गर्ने क्रममा प्रत्येक समस्यासँग आफू जानकार भएको स्मरण गराउनुहुँदै विद्युतीकरण, बाटोघाटो, पुलपुलेसा, मठमन्दिर, देवालय, खानेपानी लगायतका आवश्यकताहरुलाई क्रमिक रुपमा पूरा गर्दै लैजाने बताउनुभएको छ । २७ वर्षपछि जनप्रतिनिधि आफ्नै घरआँगनमा भेट्न पाउँदा स्थानीयहरुको खुशीको सीमा नरहेको बताइरहेको बेलामा, स्थानीयका अभिव्यक्तिहरुलाई सम्बोधन गर्दै नगर प्रमुख भण्डारीले आफ्नो कार्यकालमा चर्चा गर्न लायक काम गरेर बिदा लिने बताउनुहुँदै आजसम्म नगरपालिकाका नाउँमा जति पनि गतिविधिहरु भएका थिए, त्यसको नगरपालिकामा अहिलेसम्म दस्तावेजीकरण नभएको कार्यक्रममा खुलासा गर्नुभएको छ ।

कुनै पनि कार्ययोजनाहरुको डिपिआर नगरपालिकामा नहुनु दुःखद पक्ष रहेको नगर प्रमुख भण्डारीको कार्यक्रममा गुनासो रहेको छ । कार्यक्रममा भण्डारीको थप कथन थियो– स्थानीयको माग बमोजिम कालिदेवी मन्दिरमा तत्कालै ट्रष्ट निर्माण गर्ने, पुलबजारदेखि देविस्थान, बञ्जारागाउँ देखि देविस्थान र ठाडोबाटोदेखि देविस्थानसम्मको मोटरबाटोको स्तरोन्नती गरी बाह्रै महिना यातायात सञ्चालनका लागि सहज बनाउने प्रतिबद्धता नगर प्रमुख भण्डारीले गर्नुभएको छ ।
उक्त कार्यक्रममा नेकपा माओवादी केन्द्र नगर सदस्य उत्तम बञ्जारा, नेपाली कांग्रेस वडा सभापति महेश थापा र नेकपा एसका नगर सदस्य नरेन्द्र बस्नेत लगायतका वक्ताहरुले बस्ती विकास पछि पर्नुका कारणहरु नगर प्रमुख समक्ष राख्दै यो नेतृत्वले त्यो गल्ती दोहो¥याउने छैन भन्ने अपेक्षा राखेको कार्यक्रममा बताएका थिए ।