अनागरिक नागरिक म

माधव खतिवडा

सायद, मलाई
चिन्नु भएन होला
के चिन्नु हुन्थ्यो र सरकार !
पुर्खाले लडेर आर्जेका,
तिम्रा हेलाँको सिकार
म कालीपारे,
गुञ्जी, खेला, दुग्तु
तिउने पाटन
म मुन्स्यारी,
सुनकुडा,रिलुतिरको
कठोर,चट्टान्
पाखा पखेराको काम नलाग्ने
फोस्रे पत्थर
ढाक्रे, पाखे,
लिपुलेकको
म बाङ्गे साउद,
काले ओलि,
गुईंठे लामा, प्रकष्ट राउल,
कसैसँग नमिल्ने ग्रहको
तानातानबाट उछिट्टिएका
उल्का पिण्ड मध्येको
सरकार !
तिम्रै देशको मान्छेहरु माझ
देशका नागरिक भनिएका
नागरिकमा गनिएकाहरु माझ
किन मँ
आठौँ आश्चर्य !
एक्काइसौं सताब्दिमा
थर वतन नखुलेको
म सधैँ अशुभ
आठौँ प्रदेश, आठौँ अङ्क
म अनागरिक नागरिक